Turismo Atauro

PAKOTE VIAJEM ATAÚRO MAU-META HISTORICAL TOURS

MONOGRAFIA

Apresenta Nudar Parte Rekezitu Ida Hodi Hetan Titulu Lisensiatura Bachelor Of Business (B.Bus) Departementu Jestaun Tour No Travel Iha Eskola

Superior Jestaun Turismu No Ospitalidade

Husi:

Baptista do Carmo

11.04.01.017

DEPARTAMENTU TOUR AND TRAVEL MANAGEMENT

ESKOLA SUPERIOR TURISMU NO OSPITALIDADE

DILI INSTITUTE OF TECHNOLOGY

2016

DEKLARASAUN OBJEKTIVU

Monografia Akademika ida nee halo atu prienxe kriteriu ida atu hetan Diploma Lisensiatura (S₁), ho ida nee hau rekonyese no deklara lolos katak Monografia Akademika ho titulu:

PAKOTE VIAJEM ATAURO MAU-META HISTORICAL TOURS

Hanesan obra neebe hau rasik mak halo, inklui situasaun-situasaun husi fontes ida-idak neebe mak hau esplika tiha ona.

Dili, 30/10/2017

PAJINA REKONYESIMENTU

Hau rekonyese no deklara ho lolos katak Monografia Akademika ho titulu

PAKOTE VIAJEM “ATAURO MAU-META HISTORICAL TOURS”

Hanesan obra neebe hau rasik mak halo, inklui situasaun-situasaun no sumariu husi fontes ida-idak neebe mak hau esplika tiha ona.

Monografia Akademika ida nee, la autoriza atu halo duplikasaun ruma sein konyesimentu husi hau rasik nudar hakerek nain.

LIAN MAKLOKE

Ho terminasaun Monografia ida nee, mak hakerek nain hakarak hatoo agradesemento boot tebes baa hau nia Nai Jesus Kristu nebee fo bensaun baa hakerek nain hodi bele hasoru situasaun sira iha monografia ida nee ho diak. Hakerek nain mos la haluha hatoo agradese baa:

1. Sr. Manuel F. Vong PhD. nudar Rector Dili Institute of Technology

2. Sr. Agustinus Nahak Seran, S.Pd.M, Si, nudar Dekanu Turismu nian no sai mos hanesan Orientador I

3. Sr. Adrianus Jehambur,SE. MM. nudar Chefe Departamentu Tour and Travel Management no mos sai hanesan orientador II

4. Baa Funsionario no mos Dosente Turismu no Ospitalidade espesial departamentu Tour and Travel Management.

5. Papa, Mama, B.Tina, Ria Sabino, M.Brandão, B.Iza, M.Napo, B.Ketty, M.Victor, B.Aguida, alin doben Essy, Maria, Noy Maia, Pai kiik, Mãe kiik sira hotu, Avo mane, Avo feto no mos ba familia tomak husi papa no mama nian neebe mak hau la temin ida-ida.

6. Baa hau nia Inan Feton sira hotu iha Grupu Bonecas de Ataúro, Sr. Lourenso de Oliveira no mos ba parte hotu-hotu nia tulun.

7. Baa sira neebe hamahan ona atan oan hau hanesan T.Luis, T.Sica, Paulo, Charles, M.Basty, B.Lina, T.Luis do Rego, T.Thomasia, M.Tome, Mana no mos baa hau nia Prima-Primu irmã tomak.

8. Baa kolegas Tourism and Travel Management tomak.

9. Baa hau nia Primu no mos hau nia Belun sira hanesan Zexx, Floxx, Agaxx, Vixx, Mexx, Pai Zee, Azito, Nona, Adu, Akara, Asala, Atoy, Evon, Mabra, Bosco, Mixing, Delvio, Figo, Sensio, Aka, David, Vacho, Essy, Maia, Asiu, Deni, Marcos, Abel, Jeca, Siel, Lina, Cesario, Merry, Nilton, no mos baa sira neebe hau la temin.

10. Baa Staff Kompania STAT Tour & Travel Services mak iha Aeroporto Internasional Prezidente Nicolao Lobato tomak espesial baa M.Joao Bosco, M.Carlos, M.Agapito, M.Mui, M.Jopi, M. Diogu, no mos M.Ricky.

Monografia Akademika ida nee simplismente hakerek ho lian Nasional Tetun, karik iha liafuan ruma mak la kompleitu atan oan hau husu sugestaun no kritika husi parte hotu atu bele hadia atan oan hau nia liafuan Tetun no mos bele dezenvolve lian Nasional nee ho diak liu tan iha tempu oin mai, ikus liu atan hau hatoo obrigadu wain.

INDÍSE

Pajina

PAJINA AUTORIZASAUN MONOGRAFIA....................................................... i

PAJINA LEGALIZASAUN ORIENTADOR....................................................... ii

PAJINA LEGALIZASAUN EZAMINADOR...................................................... iii

DEKLARSAUN OBJEKTIVU.............................................................................. iv

PAJINA REKONYESIMENTU............................................................................. v

LEMA..................................................................................................................... vi

LIAN MAKLOKE............................................................................................... viii

INDISE................................................................................................................... ix

LISTA TABELA NO IMAGEM.......................................................................... xii

ABSTRATU......................................................................................................... xiv

KAPITULU I INTRODUSAUN

1.1 Justifikasaun Tema................................................................................. 1

1.2 Pergunta Peskija...................................................................................... 5

1.3 Objektivu Peskija.................................................................................... 5

1.4 Benefisiu Peskija.................................................................................... 6

1. Benefisiu teoritika.............................................................................. 6

2. Benefisiu pratika................................................................................ 6

KAPITULU II ENQUADRAMENTU TEORIA

2.1 Potensia Turismu (Tourism Potential)................................................... 7

2.2 Turismu (Tourism).................................................................................. 8

2.3 Turista (Tourist)...................................................................................... 8

2.4 Turismu Istorikal (Tourism Historical)................................................ 11

2.5 Turismu Natural (Natural Tourism)..................................................... 12

2.6 Turismu Kultural (Cultural Tourism).................................................. 13

2.7 Pakote (Package).................................................................................. 14

2.8 Viajem (Tour)...................................................................................... 14

2.9 Pakote Viajem (Packages Tour).......................................................... 15

KAPITLU III METODOLOJIA PESKIJA

3.1 Fatin no tempu...................................................................................... 17

3.2 Tipu no fontes dadus............................................................................. 17

3.2.1 Tipu Dadus.......................................................................................... 17

1. Dadus Primeiru................................................................................. 17

2. Dadus Sekundariu............................................................................. 18

3.2.2 Fontes Dadus...................................................................................... 18

3.3 Populasaun no Amostra........................................................................ 19

3.4 Teknika kolekta dadus.......................................................................... 19

1. Observasaun..................................................................................... 19

2. Intervista........................................................................................... 20

3. Dokumentasaun ............................................................................... 20

3.5 Teknika analiza dadus........................................................................... 20

KAPITULU IV REZULTADU NO ESPLIKASAUN

4.1 Deskripsaun Jeral................................................................................... 21

4.1.1 Lokalizasaun Peskija........................................................................... 21

4.1.2 Jeografika............................................................................................ 21

4.1.3 Demografia.......................................................................................... 23

4.1.4 Sosio Kultura....................................................................................... 23

4.1.5 Infrastrutura......................................................................................... 24

4.1.6 Ekonomia............................................................................................ 25

4.1.7 Politika Dezenvolvimentu Lokal........................................................ 25

4.2. Potensia Turismu iha suco Mau-meta Vila.......................................... 25

3.2.1 Potensia Turismu Istoriku.................................................................. 26

1. Monumentu Ikan Ho Paun..................................................................... 26

2. Simiteriu Santa Krus.............................................................................. 28

3. Cadea Antigo.......................................................................................... 29

4. Gruta Roman Luan................................................................................. 30

5. Rate Dom Sebastiao............................................................................... 31

6. Casa Do Mar........................................................................................... 35

4.2.2 Potensia Turismu Kultura................................................................... 38

1. Seremonia Dada Roo............................................................................ 38

2. Dansa no Hananu Tradisional............................................................... 40

3. Sasik (Besi metan)................................................................................ 41

4.2.3 Potensia Turismu Natureza................................................................. 43

1. Rai Henek Mutin Lempian................................................................... 43

2. Usu-laran............................................................................................... 45

3. Tasi Ibun Tua-koin................................................................................ 46

4.2.4 Loja Souvenier................................................................................... 47

1. Bonecas de Ataúro................................................................................ 47

2. Biojoias................................................................................................. 49

4.3 Prosesu Kria Pakote Viajem.................................................................. 50

4.3.1 Identifika Potensia Turismu............................................................... 51

4.3.2 Identifika Fasilidade Turismu............................................................ 51

4.3.3 D.O.T (Distribution Of Time)............................................................ 53

4.3.4 Itinerary.............................................................................................. 54

4.3.5. Kostu Viajem..................................................................................... 55

KAPITULU V KONKLUZAUN NO REKOMENDASAUN

5.1. Konkluzaun........................................................................................... 58

5.2. Sujestaun............................................................................................... 59

5.3 Rekomendasaun.................................................................................... 60

BIBLIOGRAFIA

ANEXU

LISTA TABELA

1. Tabela 1. Fontes dadus primeiru................................................................. 4

2. Tabela 2. Kombinasaun produtu turismu................................................ 16

3. Tabela 3. Lista respondente...................................................................... 19

4. Tabela 4. Fasilidade turismu..................................................................... 50

5. Tabela 5. D.O.T......................................................................................... 51

6. Tabela 6. Itinerary..................................................................................... 52

7. Tabela. 7 Rekapitulasaun kostu viajem.................................................... 53

8. Tabela. 8 Presu pesoal............................................................................... 55

LISTA IMAGEN

1. Imagen 1. Mapa Ataúro............................................................................. 22

2. Imagen 2. Monumentu ikan no paun........................................................ 26

3. Imagen 3. Simiteriu Santa Krus................................................................ 28

4. Imagen 4. Cadeia antiga............................................................................ 29

5. Imagen 5. Gruta Roman Luan................................................................... 30

6. Imagen 6. Rate Dom Sebastiao................................................................. 32

7. Imagen 7. Casa do mar.............................................................................. 35

8. Imagen 8. Seremonia dada Ro.................................................................. 37

9. Imagen 9. Dansa no hananu tradisional................................................... 39

10. Imagen 10. Sasik (Besi metan)................................................................. 40

11. Imagen 11. Rai henek mutin Lampian...................................................... 42

12. Imagen 12. Usu laran................................................................................ 44

13. Imagen 13. Tasi ibun Tua-koin................................................................. 45

14. Imagen 14. Loja Bonecas de Ataúro........................................................ 46

15. Imagen 15. Loja Biojoias.......................................................................... 47

ABSTRATU

Titulu Monografia mak “Pakote Viajem Ataúro Mau-meta Historical Tours”. Monografia nee esplika kona baa oinsa atu kria pakote viajem ida. Obejktivu husi peskiza nee maka atu identifika potensia turismu saida deit mak eziste iha Posto Administrativo Ilha Atauro nunee hodi kria pakote viajem ida ho naran programa Ataúro Mau-meta Historical Tours. Benefisiu husi teoritika mak atu aumenta referensia no sai hanesan informasaun baa sira neebe mak atu peskija iha tempu oin mai, benefisiu pratika mak atu aumenta peskijador nia abilidade no esperensia sientifika liu-liu iha area turismu nian. Metodolojia neebe uza iha peskija nee mak analiza deskriptivu kuantitativu. Tipu no fontes dadus mak dadus primariu no dadus sekundariu. Teknika kolekta dadus mak hanesan observasaun, intervista, no mos dokumentasaun. Teknika foti populasaun no amostra mak purposive sampling. Partisipante neebe sai nudar amostra iha peskija nee ho total hamutuk ema nain Neen (6) no analiza deskriptivu kuantitativu neebe uza iha peskija nee mak teknika analiza dadus. Lokalizasaun no tempu peskija nee halao iha Suco Mau-meta Vila Posto Administrativo Ataúro neebe hahu iha loron 13 Outubru too loron 23 Outubru 2016. Bazeia baa rejultadu peskija nee hatudu katak, georafikamente Ilha Ataúro nia luan hamutuk 150 km² no Ilha Ataúro kompostu husi Suco Lima (5). Tuir demografia hatudu katak total populasaun iha Posto Administrativo Ataúro hamutuk 8.451 habitantes, no total populasaun husi Suco Mau-meta Vila hamutuk 1.709 habitantes (Sensus 2010). Bazeia baa rezultadu peskija kona baa potensia turismu neebe ezisti iha Suco Mau-meta Vila, Posto Administrativo Ataúro nee primeiru mai husi Potensia turismu natureza mak hanesan Tasi-ibun Tua-koin, Usu-laran, no mos Tasi ibun Lampian. Segundu Potensia turismu kultura, mak hanesan hananu no dansa tradisional, Sasik, seremonia dada roo. Terseiru Potensia turismu istoria, mak hanesan Monumentu Relijiozus, Simiteriu Santa-Krus, Gruta Roman luan, Cadea antiga, Rate Dom Sebastiao, no mos Casa do mar. Husi rejultadu kria pakote viajem nee hatudu katak presu pakote viajem nee baa kliente/turista hahu husi 1-3 ho nia total kostu viajem nee hamutuk $.189.75 cent. Hahu husi 4-6 ho nia total kostu viajem nee hamutuk $. 70.125 cent. Hahu husi 7-9 ho nia total kostu viajem nee hamutuk $. 47.96 cent. Programa viajem Ataúro Mau-meta Historical Tours nee ho nia total partisipante/turista hamutuk ema nain neen (6) ho presu kostu viajem nee total hamutuk $. 70.125, no iha programa viajem nee halao durante loron tomak iha oras ualu (8) nia laran. Rekomendasaun husi peskijador nian mak tenki servisu hamutuk entre governu, ministeriu neebe relevante, autoridade lokal no mos komunidade hodi bele dezemvolve seitor turismu ho diak liu-liu iha area infrastruktura no fasilidade turismu.

Liafuan Save: Pakote Viajem, Historical Tours

ABSTRACT

The title of this thesis is Package tour Ataúro Mau-meta Historical Tours. This thesis describes explain how to create a tour package. The objective of the study is to identify any potential for tourism in Ataúro Post Administrative in order to create packages with the name of program tour is Ataúro Mau-meta Vila Historical Tours. The theoretical benefit of which is to add reference point and also some imformation for anyone who will conduct research in the future. The benefit of the practice which add the ability and experience in the science in the field of tourism. The Methods used in this study is qualitative descriptive analysis. Data types and data sources are primary data and secondary data. Data collection techniques used through observation, interviews, And documentation. Data processing techniques population and sample is purposive sampling as well as the total participant in this sample is Six (6) people, and a qualitative descriptive analysis that used in this research is data analysis techniques. The location and time of this study underwent in Mau-meta Vila village, Atauro Post Administrative. Geographically bredth Ataúro island is 150 km² and Ataúro island consists of five (5) villages. Demographically show that the total population in the Ataúro Post of Administrative of 8.451 inhabitans and the total population of the Mau-meta Village is 1.709 inhabitants (Census 2010). Based on research results indicate that, the potential of tourism in the Mau-meta Vila Village are the first the natural tourism, are Tua-Koin beach, Lampian white sand and Usu-laran. The second is the cultural tourism are the traditional songs and dances, Sasik, Pull events Boads. The third is the historical tourism are Monument of Religious, Cemetery of Vila, Gruta Roman Luan, the Old prison, Cemetery of Dom Sebastiao, and also Casa do mar. from the results of create this package shows that the package price for client/tourist rangin from 1-3 with the total cost of travel cost is $. 189.75. from 4-6 with the total cost of travel cost is $. 70.125. from 7-9 with the total cost of travel cost is $. 47.125. the name of this tour event is Ataúro Mau-meta Historical Tours, the total of participant or tourist are Six (6) people and the total cost price of the tour is $. 70.125. the tour programs is conducted for a full day within 8 hours. Based on these studies, the researchers concluded that the tourism potential of the above can create a tour package with tour program is Ataúro Mau-meta Vila Historical Tour with time full day tours. Recommendation from researchers is the need to cooperate between the government, local government, and the community in order to develop the tourism sector as well as possible, especially in the infrastructure and tourism facilities.

Keyword: Package Tour, Historical, Tours

KAPITULU I

INTRODUSAUN

1.1. Justifikasaun Tema

Timor-Leste nudar nasaun foun ida neebe foin hahu restaura nia indenpendensia iha loron 20 fulan Maiu iha tinan 2002, nunee hetan apoiu husi mundo internasional maka aumenta tan destinasaun turismu foun ida iha rejiaun Sudeste Aziatiku nian. Hanesan nasaun foun ida, Timor-Leste mos foin hahu dezemvolve-an iha area sira hanesan edukasaun, saude, agrikultura, peskas, formasaun teknika, no mos infrastrutura. Dezemvolvimentu iha area hirak nee normalmente lao ho masimu tanba nasaun foun nee mos iha modalidade ida neebe boot tebes husi fundus minarai no gas. Liu husi rekursu minarai no gas mak fo benefisiu no rendimentu hodi hetan kresimentu ekonomia iha nasaun foun Timor-Leste.

Alende husi rekursus minarai no gas, Timor-Leste mos nakonu ho potensia turismu neebe atraktivu husi beleza natureza, kultura no mos sitiu istoriku sira. Potensia turismu natureza hirak nee mak hanesan paisazem husi foho, ai-horis, tasi-ibun no tasi laran neebe nakonu ho espesies oi-oin, rai-henek mutin, bee manas natural, balada fuik sira, lagoa, mota no bee naktudak (Water Fall), ilha kiik sira hanesan Ilha Ataúro no mos Ilha Jaco, seluk husi natureza iha mos sitiu istoriku no mos kultura no tradisaun oi-oin sira hanesan lalaok moris (The way of life) husi komunidade, dansa no hananu tradisonal, seremonia ritual, eransa liman fatin sira hanesan monumentu no konstruksaun uma antigu, artejenatu no seluk-seluk tan. Liu husi potensia turismu sira hanesan nee presiza tebes tau importansia no tau atensaun husi governo Timor-Leste liu-liu baa Ministeriu Turismu Arte no Kultura inklui mos seitor privadu sira neebe mak involve-an iha seitor turismu, kopera hamutuk hodi bele dezemvolve potensia turismu hirak nee sai nudar atraksaun turistiku ida no halo promosaun (Pakote Viajem) baa rai liur hodi atrai turista internasional sira bele mai vizita nasaun Timor-Leste. Bainhira numeru vizitantes/turista aumenta maka sei fo influensa positivu baa ekonomia, kultural, sosial, no mos politika. Liu husi atraksaun turismu mos bele hamosu industria oi-oin hanesan industria transportasaun (Kareta, Roo, Aviaun), Akomodasaun (Hotel, Guest house, Appartment, Ecolodge, Home stay, Resort), kompania Aviaun/Perusahaan Penerbangan hanesan Travel Agency no Tours Operator (Ticketing Airlines no Package Tours), Cargo Agent, Restorante no Bar, negosiu sira seluk hanesan produtu lokal, no mos hamosu edukasaun iha area turismu nian iha eskola superior sira hodi bele hasae kualidade profisaun servisu no mos atendimentu.

Tuir Yoeti (1996:118). Turismu hanesan viajem ida neebe mak ema halao ho tempurariu husi fatin ida ba fatin seluk, ho inisiativu laos atu baa halao negosiu ka buka moris iha fatin neebe nia ba vizita, maibe atu desfruta/enjoy deit viajem neebe nia halao. Viajem refere funsiona baa turistika, rekreasaun nunee bele responde sira nia nesesidades neebe mak variativu.

Tuir Wahab (1996:116). Turismu nudar aktividade neebe mak halao ho konsiensia no hetan mudansa atendimentu entre ema sira iha nasaun ida nee rasik no mos husi ema sira seluk iha nia hela fatin ou rejiaun seluk (nasaun espesifiku) ho tempurariu atu buka satisfaksaun neebe mak variativu no diferensia ho saida mak nia hasoru iha nia hela fatin no mos nia servisu fatin neebe mak permanente. Alende nee, matenek nain nee konsidera katak turismu mos sai nudar industria ida neebe bele hamosu produtu ida hodi bele konsumu iha fatin objetivu, nunee vantazem neebe mak iha bele fo influensa pozitivu baa iha ekonomia, kultural, no mos moris komunidade sosial nian.

Tuir Yoeti (1996:118). Turismu hanesan viajem ida neebe mak ema halao ho tempurariu husi fatin ida ba fatin seluk, ho inisiativu laos atu baa halao negosiu ou buka moris iha fatin neebe nia ba vizita, maibe hodi desfruta deit viajem neebe mak nia halao. Viajem refere funsiona baa turistiku, rekreasaun, atu nunee bele responde sira nia nesesidade neebe mak variativu.

Ilha Ataúro nudar Ilha kiik neebe partensia husi Nasaun Timor Leste. Ilha Ataúro sai hanesan Posto Administrativo ida neebe ho ninia Munisipio rasik mak sentru kapital Dili. Ilha Ataúro kompostu husi Suco Lima (5) neebe hanesan Suco Maquili, Macadade, Beloi, Biqueli no mos Vila Mau-meta.

Naran Ataúro nia orijin mai husi lian Hresuk neebe fahe baa liafuan rua mak hanesan ATAK no URUN. Liafuan Atak signifika katak Atan, Urun signifika katak kakun. Sr. Manecas da C. Soares hateten katak tuir istoria neebe mak beiala sira haktuir katak iha tempu neeba beiala sira han deit iha kakun (Nu kakun) no liafuan atan signifika katak beiala sira sai atan baa ema malae mutin/kolonialista sira. Husi liafuan rua nee mak too ohin loron ema hotu hodi konyese Ilha nee ho naran Ilha Ataúro.

Koalia kona baa turismu, Ilha Ataúro mos nakonu tebes ho potensia turismu neebe atraktivu husi panorama natureza sira hanesan foho, tasi, rai henek mutin, bee manas natureza, Ai-horis no Balada fuik sira, seluk husi ida nee, iha mos atraksaun kultura no tradisaun sira hanesan hananu no dansa tradisional, seremonia ritual, sitiu istoria neebe ho nia valor istoriku hanesan fatin desteradu, monumentu, Santa-Krus, konstruksaun uma antigu, fatin relijiozus no seluk-seluk tan. Liu husi potensia hirak nee mak motiva turista sira hodi mai vizita Ilha Ataúro. Bazeia baa dadus neebe hakerek nain foti iha Ecolodge Barry’s House kona baa numeru vizitantes/turistas neebe mak halo ona vizitasaun baa iha Ilha Ataúro mak hanesan tabela tuir mai nee:

Husi totalidade numeru vizitantes neebe mak aas, hatudu katak Ilha Ataúro mos nakonu mos ho atraksaun turistiku furak no uniku iha nasaun Timor-Leste. Bainhira potensia turismu hirak nee dezemvolve ho diak mak baa futuru sei aumenta liu tan numeru vizitantes/turista ho ida nee maka bele hamosu kampo servisu no fo benefisiu baa komunidade lokal sira iha Posto Administrativo Ataúro.

Suco Mau-meta Vila nudar partensia ida husi Posto Administrativo Ataúro nian. Suco Mau-meta Vila kompostu husi Aldeia Tolu (3) neebe mak hanesan Aldeia Ileti-karakia, Ilimanu, no mos Eklae. Haree baa potensia Suco Mau-meta Vila mos iha potensia turismu neebe mak bele atrai turista sira hodi mai vizita. Potensia turismu hirak nee kompostu husi panorama natureza sira hanesan eko turismu, turismu marina, sitiu istoriku, fatin relijiozus no mos arte no kultura.

Bazeia baa justifikasaun tema neebe hakerek iha leten maka atrai tebes hakerek nain hodi hili titulu Monografia hanesan “Pakote Viajem Ataúro Mau-meta Historical Tours”.

1.2. Perguntas Peskija

a) Potensia turismu saida deit mak eziste iha Suco Mau-meta Vila, Posto Adminstrativo Ataúro?

b) Oinsa atu kria ou forma potensia turismu hirak nee sai nudar pakote viajem ida?

1.3. Objektivu Peskija

a) Atu identifika potensia turismu no mos fasilidade turismu iha Suco Mau-meta Vila, Posto Administrativo Ataúro.

b) Atu kria pakote viajem ida neebe ho naran Ataúro Mau-meta Historical Tours.

1.4. Benefisiu Peskija

Benefisiu fahe ba parte Rua neebe mak hanesan teoritika no mos pratika:

1.4.1 Benefisiu Teoritika

a) Liu husi peskija ida nee mak bele hasae ou aumenta hakerek nain nia konyesementu no esperensia hodi bele utiliza peskija nee iha seitor turismu nian, liu-liu baa iha programa pakote viajem.

b) Liu husi peskija nee mak bele aumenta referensia baa hakerek nain no sai mos hanesan informasaun baa sira neebe mak atu halao peskija iha tempu tuir mai.

1.4.2 Benefisiu Pratika

a) Liu husi peskija nee mak sei kontribui no aumenta hakerek nain nia abilidade no esperensia tuir sientifika.

b) Liu husi peskija nee mak bele hasae no aumenta komunidade lokal sira nia konyesementu no partisipasaun iha area turismu nian, iha Posto Administrativo Ataúro.

KAPITULU II

ENKUADRAMENTU TEORIA

2.1. PotensiaTurismu (Tourism Potential)

Tuir Moniaga (2005:29) Potensia turismu nudar rekursus hotu-hotu iha rejiaun neebe mak espesifiku no bele dezemvolve sai hanesan atraksaun turistiku ida, ho liafuan seluk katak potensia turismu hanesan rekursus hotu-hotu neebe mak eziste iha fatin ruma no bele dezemvolve sai nudar atraksaun turistiku (tourist attraction) ida neebe bele fo benefisiu baa importansia ekonomia no tau atensaun nafatin baa aspeitu sira seluk. Potensia turismu hirak nee kompostu husi:

a) Potensia natureza, mak nudar foho leten neebe forma hanesan baliza kastelo neebe toos no sei eksotis hela, panorama husi loron-matan sae (sunrise), ahu-ruin, tasi, tasi-ibun ho rai-henek mutin neebe furak, no seluk-seluk tan.

b) Potensia sosial kultura, mak nudar tradisaun, seremonia adat, aktividade, relijiaun, kreatividade no seluk-seluktan.

Tuir Kodhyat no Ramaini (1992:122) Potensia turismu mak hanesan buat hotu neebe ho kondisaun diak, realidade no bele kaer ho liman nunee mos la bele kaer, implementasaun, atua no fornesidu ho maneira seluk, bele benefisia/uza ou hamosu hanesan kapasidade, fator, no elementus neebe mak presija/desidi baa iha industria no dezemvolvimentu turismu, diak nee baa iha atmosfera, akontesementu, konstruksaun, atendementu no mos servisu.

Tuir Wardiyanta (2010:52) Potensia turismu hanesan buat neebe mak sai sentru baa atraksaun turismu no bele fo satisfaksaun baa turista sira. Buat neebe intendensia iha leten mak hanesan primeiru mai husi natureza, ezemplu tasi ibun, panorama natureza, foho, Ai-laran, no seluk-seluk tan. Segundu mai husi rejultadu kultura, ezemplu muzeum, monumentu, galeri. Terseiru mai husi aktividade komunidade loron-loron sira nian, dansa, karnaval, no seluk-seluk tan.

2.2. Turismu (Tourism)

Tuir Ismayanti (2010:4) Turismu mak hanesan aktividade viajem neebe mak ema halao no hela iha fatin ou rejiaun seluk neebe laos fatin ida neebe loron-loron nia hodi hela, no ho objektivu nee atu halo kontenti-an, objektivu negosiu no seluk-seluk tan.

Tuir Yoeti (1996:118). Turismu hanesan viajem ida neebe mak ema halao ho tempurariu husi fatin ida ba fatin seluk, ho inisiativu laos atu baa halao negosiu ka buka moris iha fatin neebe nia hodi ba vizita, maibe atu desfruta deit viajem neebe mak nia halao. Viajem refere funsiona baa turistiku, rekreasaun nunee bele responde sira nia nesesidades neebe mak variativu.

Tuir MacIntosh (1953) Turismu hanesan sintomas hotu-hotu no relasaun neebe mosu, hahu husi interaksaun entre turista iha parte ida, kompania sira neebe fo atendementu baa turista, no governo ho mos komunidade neebe halo asaun hanesan uma nain iha prosesu atu atrai no atende turista sira nia intensaun. Definisaun neebe matenek nain esplika nee, iha elementus Haat neebe importante mak hanesan tuir mai nee:

a) Turista (tourist), mak hanesan ema neebe mak halao viajem turistiku.

b) Fornesedor (business supplier), mak hanesan kompania sira neebe mak oferese nesesidade (needs) no hakarak (wants) ho mos atendimentu (services).

c) Governu (host goverment) neebe autoridades atu mantein nia sabedoria, atuasaun nunee bele diriji turista sira ho diak.

d) Komunidade (host komunities) neebe halo asaun nudar uma nain hodi fo atendimentu neebe mak diak baa turista sira.

2.3. Turista (Tourist)

Tuir Sunaryo (2013:3) Turista hanesan ema ida ou ho grupu neebe halao viajem ho objektivu turistiku, hanesan halo rekreasaun (Pleasure), negosiu (Business), no mos atu responde ninia nesesidade partikular (Special Interest). Turista hanesan ema neebe mak sai husi nia hela fatin atu ba vizita fatin seluk hodi desfruta sira nia viajem iha fatin neebe mak sira hodi vizita (Yoeti, 1996:142).

Tuir Yoeti, (1996:133) Halo klasifikasaun baa iha vizitantes sira mak hanesan tuir mai nee:

1) Turista hanesan ema sira neebe mak halao viajem durante 24 oras ou liu, iha nasaun neebe mak nia ba vizita no iha objektivu viajem nee kompostu baa klasifikasaun Rua mak hanesan tuir mai nee:

a) Paseiu mak hanesan viajem neebe halao ho objetivu hodi halo rekreasaun, ferias, estudu, no mos desportu.

b) Relasaun negosiu mak hanesan viajem neebe ho objektivu atu ba vizita familia, negosiu, halao konferensia, no mos misaun ruma.

2) Eksursionista (Exursionist) hanesan vizitantes neebe mak hela temporariu iha nasaun ida ho durasaun tempu neebe menus liu husi 24 oras. Ezemplu mak hanesan tuir mai nee:

a) Vizitantes neebe mak mai no fila iha data no loron neebe hanesan.

b) Vizitantes neebe mak halo viajem ho Roo hodi halo paseiu baa iha nasaun neebe nia atu baa vizita. Iha vizitasaun nee nia la uza fasilidade akomodasaun iha fatin ou nasaun neebe nia vizita baa, maibe nia fila fali baa deskansa iha Roo neebe nia hodi mai nunee hein oras too hodi fila fali baa nia hela fatin.

Tuir Yoeti (1996:184) Turista hanesan ema neebe mak halao viajem ho temporariu hodi ba fatin ou rejiaun ida neebe mak sai nudar rejiaun foun ida baa nia. Tanba dook husi nia hela fatin, maka nia presija tebes atendementu neebe tuir ninia nesesidade no ninia hakarak, nee mak hanesan durante nia sai husi nia hela fatin too iha nia fatin objektivu, nunee fila fali baa nia hela fatin. Tanba nee mak antes ema turista sira atu halao sira nia viajem turistiku, maka nia tenki hatene uluk kona baa:

a) Fasilidade transportasaun, neebe mak atu tula ou lori nia ba fatin destinasaun turismu neebe nia hakarak atu baa vizita.

b) Fasilidade akomodasaun, neebe sai hanesan nia hela fatin provizoriu iha fatin ou rejiaun neebe nia atu baa vizita.

c) Fasilidade catering service, neebe mak bele fo atendimentu kona baa han-hemu neebe tuir ninia gostu.

d) Objetu ou atraksaun turistiku neebe mak iha rejiaun ida neebe nia atu baa vizita.

e) Aktividade rekreasaun neebe mak nia hakarak atu halao iha fatin neebe nia atu ba vizita.

f) Fasilidades kompras, fatin neebe mak nia bele sosa sasan ruma, enjeralmente hanesan loja souvenir.

g) Fatin ou alojamentu, fatin neebe mak nia bele sosa, nunee mos hasai ou kaptura foto ruma.

2.4. Turismu Istorikal (Historical Tourism)

Tuir Yoeti (2006:94) Turismu istorikal kompostu husi sasan sira neebe mak iha ninia istoria, (historical, cultural, and religious) ezemplu monumentu neebe ho ninia istoria no sivilizasaun tempu pasadu, Muzeum, Galerry, Biblioteka, Handicraft, seremonia tradisional, exibisaun, festival, seremonia Naik Haji, seremonia kaben, uma sagradu hanesan Mesjid, Igreja, Templo/Candi.

Tuir suryadana no Octavia (2015:32) Turismu istorikal mai husi istoria neebe mak husik hela husi beiala sira no Monumentu sira, iha turismu ida nee tama iha tipu kultura, Monumentu nasional, rejidensia istoriku, Sidade, Suco, konstruksaun, relijiozus, no mos fatin istoria sira seluk tan.

Husi definisaun sira neebe hakerek iha leten maka hakerek nain bele foti konkluzaun simples katak turismu istorikal sai hanesan atividade viajem neebe mak halao husi turista sira neebe ho sira nia objetivu no inisiativu rasik atu buka hatene kona baa sitiu istoriku ruma, simbolu husi Monumentu sira, fatin relijiozus no mos fatin seluk-seluk tan neebe mak iha valor istoriku iha tempu pasadu nian.

2.5. Turismu Natural (Natural Tourism)

Tuir Sunaryo, (2012:25) Turismu natural mak hanesan atraksaun turistiku neebe dezemvolve barak liu, bazeia baa furak no uniku husi natureza nian hanesan tasi ibun neebe nakonu ho rai henek mutin furak, laloran tasi, tasi laran neebe riku ho Ahu-ruin, Xipu no Ikan sira, Mota neebe hafurak husi panorama, Foho, Ai-laran neebe sei orijin husi flora no fauna, bee naktudak (Water fall) no seluk-seluk tan.

Tuir Fandeli (2005:72). Turismu natural signifika katak tipu turismu rekreasaun neebe mak atu benefisia potensia rekursus natural no ninia ekosistemas, ninia orijinal no mos kria husi ema neebe bele atrai no vizita husi turista sira.

Tuir Suryadana no Octavia (2015:32) Turismu natureza kompostu husi:

a) Turismu marina (marine tourism), nudar aktividade turistiku neebe mak sustenta/apoiu husi fasilidade no infrastrutura hodi nani, hakail, luku, no ezersisiu seluk tan, inklui fasilidade no infrastrutura akomodasaun, hahan no bebidas.

b) Turismu etniku (etnik tourism), nudar aktividade viajem neebe atu observa realizasaun kultural no lalaok moris husi komunidade nian neebe konsidera nudar atraktivu.

c) Eko turismu (Eco Tourism), nudar turismu neebe ligadu barak liu ho vontade iha panorama natureza, anin fresku husi foho nian, milagre husi animal sira (Balada fuik) neebe halo movimentu, ho mos ai-horis sira neebe mak diferensia ho fatin sira seluk.

d) Turismu kasa (Hunting Tourism), nudar turistiku neebe mak halao iha rejiaun ou ai-laran neebe mak iha dunik fatin partikular ida hodi kasa, neebe fo autorizasaun husi governu no organiza husi ajensia oi-oin ou travel agent sira.

e) Agro turismu (Agro Tourism), nudar tipu turismu neebe mak halo organizasaun viajem baa projetu agrikultura, plantasaun/toos, hakiak rai bokur, nunee turista sira bele ba vizita no observa iha objektivu estudu no mos desfruta fresku husi ai-horis sira.

2.6. Turismu Kultural (Cultural Tourism)

Tuir E.B. Taylor (2011:10). Kultura hanesan kompleksu hotu-hotu neebe liu husi konyesementu, fiar, arte, moral, lei, adat, no kapasidade sira ou kostumi-kostumi sira seluk neebe mak ezisti iha membrus komunidade ruma.

Tuir Yoeti (1996:126). Turismu kultural nudar potensia turismu ida neebe mak motiva ema atu halo viajem ba fatin ou rejiaun ruma. Kauza nee tanba fatin neebe mak nia vizita nee iha atraksaun husi arte kultura sira. Objektivu no inisiativu husi viajem refere hakarak atu buka hatene informasaun alende nee mos aumenta konyesementu kona ba kultura iha nasaun sira seluk hodi sente satisfaksaun, animasaun husi rejultadu kultura sira hanesan dansa no hananu tradisional, rikusoin sasan antigu husi vizavon sira, lalaok moris (the way of life) husi komunidade sira.

2.7. Pakote (Package)

Tuir Kodhyat no Ramaini (1992:84) pakote nudar numeru komponente ida husi programa viajem neebe halo kombinadu husi unidade produtu ida (pakote) atendementu viajem turistiku, ezemplu inclusive tour Package no package holiday. Pakote mak hanesan kombinasaun husi servisu no apelasaun produtu neebe ho relasaun iha pakote ida neebe oferta ho ninia presu. (Surya dana no Octavia, 2015:142).

2.8. Viajem (Tour)

Tuir Nuriata (2014:13). Viajem mak hanesan aktividade ida baa ema sira neebe muda fatin, husi fatin ida ba fatin seluk neebe iha objektivu husi viajem refere. Formatu viajem kompostu baa karakteristiku Rua mak hanesan:

a) Viajem neebe mak fo impresaun/imajen realidade. Viajem neebe bai-bain halao nee mak hanesan negosiu ou buka moris, trata saude, vizita familia, no objektivu sosial. Iha tipu viajem ida nee tama iha kategoria Bussiness Travel.

b) Viajem neebe mak la fo impresaun/imajen realidade. Viajem neebe bai-bain halao ho objektivu atu buka hatene buat foun ruma (adventure), romantika, vizita fatin eksotika sira. Iha tipu viajem ida nee tama iha kategoria Leisure Travel.

Tuir Ismayanti (2010:23). Viajem (tour) nudar atividade movimentu ida neebe mak halao husi ema pesoal ou grupo ho durasaun tempu badak, ba vizita fatin espesifiku ho objetivu rekreasaun, atu aumenta konyesementu, ou atu aprende atraksaun turistiku neebe uniku iha fatin neebe nia vizita.

2.9. Pakote Viajem (Package Tours)

Tuir Yoeti (2006:112). Pakote viajem hanesan viajem ida neebe mak halao planu no fornese husi travel agency ou tour operator neebe mak sai risku no responsabilidade rasik, programa viajem, durasaun tempu, fatin sira neebe mak atu ba vizita, transportasaun, no mos han-hemu ho husi total presu neebe mak desidi tia ona.

Tuir Suyitno (1999:67) Pakote viajem hanesan planu ou programa viajem ida neebe forma ou organiza tiha ona no iha program nee inklui ona kostu hotu-hotu hanesan transporte, akomodasaun ou hotel, kostu viajem, kostu baa vizita fatin turismu neebe mak determina ona iha programa nee.

Tuir Suyitno (1999:67-68) “Tour packages is the total of service a tour members purchases when paying for a tour. Typically these include transportation, accommodation, sightseeing, entertainment, porterege, anescort, and other item air may or may not include”. Ho definisaun neebe hakerek iha leten nee ho lian tetun signifika katak pakote viajem hanesan totalidade husi atendementu neebe mak oferese baa membrus vizitantes, bainhira sira selu baa viajem. Normalmente presu hirak nee inklui transportasaun, akomodasaun, vizita fatin turismu, atraksaun-atraksaun turismu, no bele mos fasilidade aviaun ou bele mos la inklui. Husi signifikadu rua nee, bele foti ninia esensia hanesan pontu hirak tuir mai nee:

a) Pakote viajem forma ho presu neebe mak espesifiku no baratu liu bainhira kompara ho viajem neebe mak planu ona.

b) Enjeralmente presu pakote viajem inklui ona ho komponente hotu-hotu neebe involve iha programa nee mak hanesan transporte, akomodasaun, sightseeing, tour guide, no seluk-seluk tan.

c) Programa pakote viajem nee forma ho permanente (la modifika), atu nunee turista la bele tuir programa viajem hotu-hotu.

d) Pakote viajem bai-bain halao iha durasaun tempu neebe espesifiku.

Tuir Nuriata (2014:15) Pakote viajem signifika nudar viajem turistiku neebe ho objetivu atu halo vizitasaun baa fatin ida ou liu, neebe forma husi fasilidades viajem balu, minimum rua, fasilidade viajem neebe espesifiku iha programa viajem neebe mak determina ona, nunee faan nudar presu indenpendente ida neebe kompostu husi komponente viajem turistiku hotu-hotu. Komponentes husi fasilidade viajem hirak neebe intendensia iha leten mak hanesan tabela tuir mai nee:

Komponente-Komponente Fasilidade Viajem Turistiku
Transportasaun	Pakote Viajem	Tour Organizer
Akomodasaun	Produtu
Atraksaun Turismu	Planeamentu
Atendementu Seluk tan	Viajem Turistiku
Tabela 2. Kombinasaun Produtu Turismu

KAPITULU III

METODOLOJIA PESKIJA

3.1. Fatin no Tempu

Lokalizasaun ou fatin peskija nee halao iha Suco Mau-meta Vila Posto Administrativo Ataúro, durasaun tempu baa iha peskija nee durante semana ida nia laran neebe hahu iha loron 13 Outubru too loron 20 Outubru 2016.

3.2. Tipu no Fontes Dadus

Modelu dadus iha peskija ida nee maka dadus Kualitativu. Tuir Sugiyono (2011:8) Iha peskija kualitativu nee nia instrumentu mak ema ou human instrument, nee mak hanesan peskijador nee rasik. Atu sai instrumentu, maka peskijador tenki iha dispozisaun teoria no konyesementu neebe klean, nunee bele iha kapasidade hodi husu, hodi analiza, dokumenta, no konstrui situasaun sosial neebe mak halo peskija nee bele sai klaru no iha sentidu.

3.2.1 Tipu dadus

a) Dadus Primariu

Dadus primariu nudar informasaun neebe mak hetan husi parte primeiru (peskijador) neebe sai hanesan orijinal, informasaun husi parte primeiru ou respondente. Atu halo kolekta dadus primeiru, presija valorizasaun peskijador nian baa iha objektu neebe mak investigadu, liu-liu atu hetan informasaun neebe ho karakteristiku kualitativu (Wardiyanta, 2010:28).

b) Dadus Sekundariu

Dadus sekundariu nudar informasaun neebe mak la hetan direitamente husi respondente sira, maibe hetan liu husi parte terseiru. Ezemplu parte terseiru nee hetan liu husi dokumentus, livru, internet, jornal no seluk-seluk tan (Wardiyanta, 2010:28).

3.2.2. Fontes dadus

Fontes dadus mak hanesan fontes subjektu husi fatin neebe hodi bele foti dadus sira neebe mak presija, signifika katak fontes dadus hirak nee hetan husi respondente sira liu husi halo kuesionariu ou intervista, nee mak hanesan ema neebe mak hatan ou resposta pergunta peskija liu husi oral ou mos eskrita. (Kopia husi fontes internet iha loron tersa feira 11.10.2016.11:07 OTL).

3.3. Populasaun no Amostra

3.4.1. Populasaun

Tuir Sugiyono (2011:80). Populasaun katak area jeneralizasaun neebe hamriik husi objektu ou subjektu neebe iha kualidade ou karakteristiku neebe mak determina husi peskijador atu bele estuda no bele foti nia konkluzaun. Bazeia baa Sensus 2010 hatudu katak total husi komunidade iha Suco Mau-meta Vila hamutuk 1.709 habitantes neebe kompostu husi feto no mane.

3.4.2 Amostra

Amostra nudar parte ida husi populasaun neebe atu foti sai hanesan respondente iha area peskija nian (Sugiyono, 2011:81). Ho klasifikasaun populasaun neebe atu hili tuir modelu ho karakteristiku neebe iha. Tekniku neebe peskijador atu uza hodi foti sai nudar reprezentante baa iha amostra mak hanesan tekniku purposive sampling, katak perguntas neebe prepara sei derizi liu baa ema neebe hatene ou iha konyesementu kona baa potensia turismu saida deit mak iha Suco Mau-meta Vila, Posto Administrativu Ataúro. Ema neebe atu foti sai hanesan amostra iha peskija nee hamutuk nain Neen (6) hanesan iha tabela tuir mai nee:

No.	Naran Respondente	Kareira	Total
1.	Cipriano Manuel Cabecas	Professor	1
2.	Manecas da Concencao	Funsionariu Publik	1
3.	Simao Cabecas	Lia nain	1
4.	Augusto Barbosa	Xefe Suku	1
5.	Artur Saldanha	Komunidade Bai-bain	1
6.	Tersinha da Costa Soares	Direitora Biojoias	1
Total Respondente			6

Tabela 3. Lista Rospondente

3.4 Tekniku Kolekta Dadus

Tekniku kolekta dadus husi peskijador nee nia objetivu atu hetan dadus neebe ita hein. Tuir relasaun peskijador neebe halao peskija kona baa atu kria pakote viajem Ataúro Mau-meta Vila historical tours, nunee peskijador uza metodu direitamente hanesan halo observasaun, intervista, no mos dokumentasaun.

a) Observasaun

Observasaun katak halo observasaun direitamente baa iha fatin peskija hodi haree rasik ho matan kona baa akontesementu neebe maka iha relasaun ho problema sira neebe mak ita atu husu. Metodu observasaun mak hanesan maneira ida hodi halibur dadus bazeia baa observasaun direitamente baa sintomas fiziku husi peskijador (Wardiyanta, 2010:32).

b) Intervista

Intervista nudar tekniku ida hodi halibur dadus iha fatin neebe peskijador atu hasoru direitamente ho respondente ou ema sira neebe ita atu halo intervista (Wardiyanta, 2010:30).

c) Dokumentasaun

Dokumentasaun nudar tekniku ida neebe halao ho maneira liu husi livru, imajem, dezenyu neebe mak ita foti iha lokalizasaun peskija. Teknika kolekta dadus ho metodu dokumentasaun mak hanesan foti dadus liu husi dokumentus ou materia neebe ligadu ho problema neebe mak atu peskija (Wardyanta, 2010:33).

3.5 Tekniku Analiza Dadus

Tekniku analiza dadus neebe Peskijador uza iha peskija nee maka dadus deskritivu kualitativu. Dadus deskritivu kualitativu uza hodi halo analizasaun, atu deskreve no klarifika dadus neebe mak ita hetan iha fatin peskija, tantu dadus neebe mak ita hetan husi dadus primariu ou dadus sekundariu. Dadus neebe mak ita hetan sei liu husi prosesu editing, klasifikasaun dadus, tabulasi (organiza) dadus, interpretasaun dadus, no ikus mai foti konkluzaun baa problema sira neebe peskija ona.

KAPITULU IV

REZULTADU NO ESPLIKASAUN

4.1 Deskripsaun Jeral

4.1.1. Lokalizasaun Peskija

Mapa Posto Administrativo Ataúro

4.1.2 Jeografika

Jeografia mos hanesan parte importante ida iha area turismu nian. Bainhira atu hatene fatin ou destinu turistiku ida presija hatene uluk kodisaun kona baa rai, lokalizasaun, distansia, no mos interaksaun, ezemplu fatin turismu nee lokaliza iha area neebe, distansia atu baa fatin turismu nee han kilometru hira, atu too iha fatin nee ho durasaun tempu hira, hodi nunee ita bele esplika baa turista atu sira bele hatene kondisaun kona baa fatin turismu ho diak antes atu vizita.

Ilha Ataúro sai hanesan Posto Administrativo ida neebe ho ninia Municipio rasik mak sentru kapital Dili. Jeografikamente Ilha Ataúro baliza ho tasi Timor iha parte Norte nian, husi parte Sul baliza ho Ilha Alor no Liran (Indonesia) iha parte Oeste nian. Rai Ataúro nia naruk no luan hamutuk 150 km². Distansia husi Dili baa Ilha Ataúro hamutuk 28 km ho durasaun tempu oras rua durante iha viajem nia laran.

Kondisaun klimika fahe baa parte Rua (2) mak hanesan tempu bailoron (tempu loron manas) no baiharat (tempu udan). Tempu bailoro hahu husi fulan Junyu too fulan Agosto no tempu baiharat hahu husi fulan Setembru too fulan Maiu maibe tempu agora nee la permanente ona hanesan iha tempu uluk tanba mudansa klimatika. Ilha Ataúro kompostu husi Suco lima neebe hanesan Suco Maquili, Macadade, Beloi, Biqueli no mos Mau-meta Vila no total aldea iha Ilha refere hamutuk iha sanulu resin sia.

Haree baa potensia turismu, Suco Mau-meta Vila mos iha potensia turismu hanesan natureza, kultura, inklui mos sitiu istoria sira. Fatin no sitiu istoria hirak neebe eziste iha Suco refere nee mak hanesan Monumentu Relijiozus, Simiteriu Santa-krus, konstruksaun uma antigu/Casa do mar, Rate Dom Sebastiao, komarka rai-kuak/Cadea antiga, no mos Gruta Roman-Luan. Fatin hirak neebe mensiona lokaliza iha Suco Mau-meta Vila iha sosiedade sira nia leet ho nunee ita mos bele haree direitamente lalaok moris komunidade sira nian hanesan aktividade moris iha moris agrikultura, peskas, no seluk-seluk tan.

4.1.3. Demografia

Posto Administrativo Ataúro nudar rai ida neebe kiik ho total populasaun mak naton liu bainhira kompara ho Posto Admininistrativo sira seluk iha teritoria Timor laran tomak. Bazeia baa sensus 2010 hatudu katak populasaun iha Posto Administrativo Atauro, total hamutuk 8.451 habitantes. Populasaun iha Suco Mau-meta Vila ho total hamutuk iha 1.709 habitantes neebe kompostu husi feto no mane.

4.1.4. Sosio Kultura

Jeralmente moris kultura iha Posto Administrativo Ataúro iha Suco Lima nee sira nia kultura diferensia tebes. Ezemplu iha Suco Mau-meta Vila no Maquili kultura no tradisaun neebe mak bei-ala sira husik hela iha tempu uluk nee too agora mos sei la lakon no sei banati tuir. Kultura neebe sei kaer metin nafatin nee mak hanesan dansa tradisional, hananu tradisional, hananu ho lian halerik/lelir, lalaok barlekiadu ou hafolin feto, fiar baa uma lisan, no mos buat lulik sira. Dansa no hananu tradisional nee komunidade sira uza hodi simu bainaka, selebra loron aniversariu sira ou simu bainaka ruma. Hananu ho lian halerik/lelir nee komunidade sira uza bainhira ema ruma mate. Barlekadu ou hafolin feto mak hanesan bainhira mane ida atu hola feto ida, mane ho nia familia sira sei lori sasan sira hanesan hena tradisional/tais, besi metan/sasik (dima), bua-malus inklui mos osan hodi lori baa tur hasoru feto nia familia sira. Suco Rua nee sira nia kultura diferensia tebes ho suco Beloi no mos Biqueli. Iha Suco Beloi no Biqueli nee, sira la fiar baa uma lisan no mos sasan lulik sira. Seluk husi ida nee lalaok hafolin feto ou barlekiadu mos komunidade iha suco rua nee la uza sasan tradisional hanesan tais, sasik no seluk tan maibe sira uza deit osan no mos animal hanesan bibi, no mos fahi. Suco rua nee la uza sistema tradisional tanba sira fiar no halo tuir baa buat neebe mak hakerek nanis ona iha Biblia. Relijiaun iha Ilha Ataúro kompostu husi Kristaun Katolika no mos Protestante. Suco neebe fiar baa Relijiaun katolika maioria mai husi Suco Mau-meta Vila, Maquili, no mos Macadade maibe kahur malu mos ho Relijiaun Protestante balu, iha fali Suco Beloi no Biqueli maioria fiar baa Relijiaun Protestante. Ilha Ataúro mos iha lian materna tolu hanesan Hresuk, Raklungu, no mos Rasua. Lian Hresuk nee utiliza husi Suco Maquili, lian Raklungu nee utiliza husi Suco Macadade, lian Rasua nee utiliza husi Suco Beloi no Biqueli, no Suco Mau-meta Vila maioria komunidade sira utiliza barak liu lian Tetum. Liu husi diferensia kultura, tradisaun, suku, rasa, lian, relijiaun hirak nee mak sai hanesan parte atraksaun turistiku ida hodi atrai turista sira bele mai vizita.

4.1.5. Infrastrutura

Bainhira area ida atu sai nudar destinasaun turismu maka presija haree liu baa faktores sira neebe importante tebes hodi dezemvolve. Faktores sira neebe presija atu dezemvolve mak hanesan ligasaun Estrada husi Suco ida baa Suco seluk, Eletrisidade, Bee moos, linya komunikasaun, Banku, Parkir, lixu fatin, Porto, Aeroporto no seluk-seluk tan. Bainhira infranstrutura nee lao ho masimu maka turista mos bele senti seguru no senti satisfas ho viajem neebe mak durante sira halao.

4.1.6. Ekonomia

Maioria populasaun husi Posto Administrativo Ataúro barak mak moris husi area agrikultor. Iha area nee komunidade sira halao sira nia atividade hanesan kuda Batar, Fore, Ai-farina, Fehuk, Talas, no mos Ai-fuan sira. Seluk husi ida nee komunidade barak mos moris husi area peska nian. Aktividade neebe komunidade sira halao iha area nee mak hanesan kaer ikan ho maneiras oi-oin hanesan luku, tau redi, bubur, no mos hakail. Liu husi aktividade sira hanesan nee mak sira bele garante sai hanesan rezultadu baa moris komunidade nian tanba bele fo benefisiu barak ou uitoan atu hodi sustenta sira nia moris baa iha loron-loron nian.

4.1.7. Politika Dezenvolvimentu Lokal

Politika dezenvolvimentu nasional sai hanesan papel prinsipal hodi bele hadia, transforma, no hadia kondisaun moris neebe maka sustentavel. Politika dezenvolvimentu lokal tenki iha vantajem neebe diak no partisipasaun ativu husi estadu ho nia povu sira.

4.2. Potensia Turismu Iha Suco Mau-meta Vila, Posto Administrativo Ataúro.

Suco Mau-meta Vila nudar parte ida husi Posto Administrativo Ataúro, munisipiu Dili. Suco Mau-meta Vila kompostu husi Aldeia tolu neebe hanesan aldeia Ileti-Karakia, Ilimanu, no mos Eklae. Aldeia tolu nee mos iha potensia turismu natureza, kultura no mos istoria. Potensia natureza neebe eziste iha Suco refere mak hanesan tasi ibun tua-koin neebe nakonu ho ai-parapa iha tasi ninin, usu-laran, rai-henek mutin lampian. Potensia turismu kultura neebe mak eziste iha suco Mau-meta Vila mak hanesan hananu no dansa tradisional, no mos seremonia dada roo. Potensia turismu istoriku neebe mak eziste iha Suco Mau-meta Vila mak hanesan monumentu ikan ho paun, santa krus, kontruksaun uma antigu hanesan casa do mar, Rate Dom Sebastiao Saldanha, Cadeia antiga, no mos Gruta Roman Luan. Liu husi potensia hirak nee hotu maka bele atrai ou dada vizitantes/turista estranjeiru hodi mai vizita ilha Ataúro, maka bele kelola potensia hirak nee sai nudar produtu turismu ida nunee forma sai pakote ida hodi oferese baa vizitantes/turista sira.

4.2.1 Potensia Turismu Istoriku.

1. Monumentu Ikan Ho Paun

Monumentu sai hanesan objektu ou fatin memorial ida baa ema nunee hodi lembra fali akontesementu neebe mak halao iha tempu pasadu nunee sai mos hanesan dalan ida atu la bele haluha no halakon ninia istoria. Monumentu neebe harii no ho simbolu estatua ikan no paun nee signifika katak atu hanoin hikas fila-fali iha momentu neebe Nain Jesus Kristo halo milagre baa ikan no paun hodi fo han ema lubun boot sira. Monumentu nee harii iha loron 15 fulan Juliu 1951. Monumentu nee harii hodi halo preparasaun baa Ilas Nain Feto, Nossa Senhora da Peregrinha neebe primeira-ves atu ba halo vizitasaun iha Ilha Ataúro. Tuir Agusto Barbosa haktuir katak iha tempu neeba relijiaun Katolika mos primeira-vez tama iha Ilha Ataúro nunee ho tempu neebe hanesan iha fatin ida nee Padre Hornais fo sarani katekumenus hamutuk ema nain rua nulu resin ida neebe sai primeiro kristaun katolika iha Ilha Ataúro.

Monumentu nee lokaliza iha Rai-keta, iha entre suco Mau-meta no Beloi nia klaran. Monument nee besik iha Estrada ibun ho rute Beloi-Mau-meta Vila nian nunee fasil baa ema se deit bele haree hetan monumentu refere. Monumentu sagrado nee sarani katolika sira sempre halo selebrasaun baa loron Nain feto iha fatin nee, alende nee halo mos prosesaun iha tempu kuaresma nian. (Agusto Barbosa, 2016)

1. Simiteriu Santa Krus

Simiteriu Santa krus mak hanesan Simiteriu boot ida neebe lokaliza iha aldeia iha Aldea Ileti-karakia iha Suco Mau-meta Vila, Posto Administrativo Ataúro. Santa krus nee mos iha tragedia ou istoriku neebe halo ema hotu la haluha rai kiik oan ida nee tanba fatin ida nee sai nudar fatin desteradu iha Ilha refere.

Tuir Augusto Barbosa haktuir katak iha tempu kolonial Portugues nian, dadur barak mak mate no hakoi iha simiteriu nee tanba hetan kastigu oi-oin husi kolonialista sira. Dadur barak mak mate tanba hamlaha, oho, oho-an, no mos dadur balu mak mate tanba hakoi moris deit. Ema neebe mate no hakoi iha simiteriu nee mai husi munisipiu sanulu resin rua (Eksklui Munisipiu Oe-cusse). Familia barak husi lospalos, Vique-que, no rai seluk tan mak mai kee sai ona sira nia familia nia mate-ruin hodi lori fila baa hakoi iha sira nia moris fatin. atu konyese mate-ruin sira nee familia matebian la uza forensik hodi identika maibe sira uza deit lalaok husi kultura nian (Sr. Agusto Barbosa, 2016).

2. Cadea Antiga

Cadea rai-kuak nudar cadea antigu ida iha ilha Atauro. Cadea nee harii iha tempu kolonialismu portugues neebe okupa durante tinan tolu nia laran, hahu husi tinan 1942 too 1945. Dadur neebe mak kastigu iha Ilha nee kompostu husi munisipio sanulu resin rua (12) neebe ho total rezisensia hamutuk rihun tolu too rihun haat. Cadea antigu nee nia modelu rai kuak, ho nia klean hamutuk metro lima, no iha rai-kuak nee nia leten sira halo uma hodi haleu cadeia rai-kuak nee. Cadea nee kolonialista sira mak haruka dadur sira harii hodi nunee sulan fila fali dadur sira nee rasik bainhira dadur sira kontra hasoru kolonialista sira. Dadur sira nee hetan kastigu oi-oin no haruka sira servisu ho obrigatoriu hanesan hatun ai-hun boot sira, fera rai, no mos loke Estrada. Tanba servisu todan halo dadur balu mak halai subar, balu hanoin la too hodi oho an, balu fali hetan sofre makaas liu sai mate, dadur sira neebe kontra hasoru kolonialista nee balu hetan tiru, tara moris, sulan iha cadea, la fo han too mate deit maibe dalaruma maluk balu husi Ataúro mak ajuda fo subar hahan. Alende nee kolonialista sira haruka dadur sira tesi ai hodi halo uma. Iha kastigu ida nee kolonialista sira fahe dadur sira baa grupu rua. Iha grupu primeiru sira nia servisu mak tesi/hamonu aikadiru hun, no grupu segundu sira nia servisu mak hamriik hein hodi prepara-an atu simu hasoru aikadiru hun nee (colonial sira hakarak dadur sira tenki simu hasoru ai hu nee). Bainhira aikadiru hun nee monu maka rejulta ema mate barak, barak mos liman-ain tohar, nunee dadur sira neebe mate kolonial sira haruka lori baa hakoi iha Santa-krus boot no sira neebe mak liman-ain tohar mos haruka lori baa hakoi deit ona maske balu sei dada is hela.

Cadeia antigu nee besik estrada ninin, lokaliza iha aldea Eklae, Suco Mau-meta Vila Posto Administrativo Ataúro. Bainhira kolonialist sira nee fila, Cadeia nee abandona hela no too agora sai at no la iha markasaun ida, tanba nee presija governu nia tulun atu bele rehabilita fali fatin refere atu nunee bele lembra nafatin akontesementu ida nee, alende nee mos hanesan parte ida atu tau konsiderasaun baa maluk rezistesia sira neebe mak sai vitima iha tempu kolonialismu nian (Agusto Barbosa, 2016).

3. Gruta Roman Luan

Gruta Roman Luan mak sai hanesan fatin sagrada ida baa Kristaun Katolika sira. Naran Roman Luan nee ho signifikadu neebe luan hateten katak “Naroman Baa Ema Hotu-Hotu”. Gruta nee harii iha tinan 1989. Gruta nee harii hanesan preparasaun fatin baa iha Ilhas Nain feto, Nossa Senhora da Peregrinha neebe mak atu ba vizita Ilha Ataúro.

Tuir Sr. Augusto Barbosa haktuir katak projetu harii gruta nee responsabiliza husi Bispo Dom Carlos Filipe Ximenes Belo. Ema neebe halo dezenya baa Gruta nee mak Sr. Vila Nova, badaen mak Sr. Isac de Sousa, ajudante sira neebe ajuda lalin rai-hehek fatuk, no bee sira nee mak sarani katolika sira husi Suco Mau-meta Vila, Suco Maquili, no mos Suco Macadade. Bainhira loron too ona atu nossa senhora mai vizita ilha refere sarani sira konsentra hamutuk iha kampo futebol Mau-meta Vila hodi simu hasoru ilhas Nain feto, Nossa senhora da Peregrinha ho hananu no dansa tradisional tuir kultura Ataúro nian hodi akompanya ilhas Nain feto nee too gruta neebe sarani Ataúro prepara ona. Bainhira vizitasaun nee remata, Ilhas Nain feto nee fila fali baa Dili, Gruta neebe sarani sira harii nee la iha mahein ida mak iha gruta laran nee, tanba nee sarani sira husi Ataúro husu baa Amu Padre Dom Alberto Ricardo (matebian) iha Igreja Parokia Motael atu haruka fali mahein ou estatua Nain feto ida hodi mai hatur fali iha gruta nee, ho ida nee sira haruka fali estatua Nain Feto ida hodi baa hatur fali iha Gruta nee, no too estatua Nain feto nee mak sai hanesan mahein iha gruta nee too agora. Fatin nee sarani katolika barak mak baa halo peregrinasaun iha neeba, no mos halo prosesaun tinan-tinan. Alende nee turista barak mak gosta baa vizita fatin refere.

Gruta nee lokaliza iha aldea Eklae, Suco Mau-meta Vila nian. Gruta nee harii iha foho nia leten neebe nakonu ho ai-bubur laran. Bainhira ita hamriik iha Gruta nia oin ita bele haree hetan Suco Mau-meta Vila laran tomak, Suco Beloi, inur Biqueli, no mos Ilha Liran no Wetar Indonesia. Bainhira ita hamrik fali iha Gruta nia kotuk ita sei simu hasoru anin fresku husi tasi no foho, no ita bele haree hetan tasi nia furak no rai henek mutin Lampian, ita mos bele hateke hetan ilha Timor-Leste no mos sidade Dili nia furak. Alende nee ita mos sei haree konstruksaun baki/moru antigu desde segundu Guerra mundial Jepaun nian (Sr. Augusto Barbosa, 2016).

4. Rate Dom Sebastiao

Dom Sebastiao mak ema ida neebe mai husi jerasaun liurai nian, povu sira foti nia sai nudar Dom tanba iha sira nia suco nee nia mak ema neebe hatene hakerek no lee, no nia mak haruka nia povu sira loke rai Mau-meta Vila neebe too agora rai Vila sai hanesan suco ida. Nain baa rai Mau-meta nee partensia husi rai Manroni, Suco Macadade nian, rai nee liurai husi Suco Macadade nian mak fo baa Dom Sebastiao hanesan prezenti ida tanba Dom Sebastiao mak oho ema jigante/raksasa ho rama isin. Dom Sebastiao mate no hakoi iha Suco Vila aldea Eklae nian. Kauza husi mate nee tanba Dom Sebastiao fo nia-an baa mate hodi salva nia povu sira iha rai lulik iha Vila Mau-meta.

Iha tinan atus haat lima nulu resin liu baa iha tempu malae mutin sira (Portugal) tama iha Timor, mai too mos iha Ilha Atauro. Iha tempu neeba Ilha Ataúro nee la iha ema ida mak hatene hakerek no lee. Haree ida nee malae mutin sira haruka ema atu eskola maibe so ema husi jerasaun Liurai nian deit mak bele eskola. Entaun malae mutin sira hili labarik ida ho naran jintiu Komakolo, labarik nee mai husi jerasaun Liurai nian, ho ida malae mutin sira hili nia hodi haruka nia baa eskola iha Hera no malae mutin sira hanaran labarik nee ho naran kompletu mak Sebastiao Saldanha. Bainhira nia baa eskola tiha, ema sira husi Suco Beloi harii netik ona ai-ledik iha rai Vila. Rona ida nee sira husi Suco Maquili bolu malu hodi halo inkontru ida kona baa problema kona baa rai neebe suco Beloi hadau nee. Iha inkontru laran nee sira hakarak tenki haruka fali sira nia ema ida neebe baa eskola nee mak tenki mai fali atu mai ukun rai nee. Bainhira Sebastiao fila fali baa Ataúro, komunidade sira foti nia sai nudar Dom ida iha sira nia Suco, nunee Dom Sebastiao nia povu sira hatoo baa nia kona baa problema rai nee maka Dom Sebastiao bolu hamutuk nia povu sira husi uma lisan sanulu resin rua (12) nee tun mai rai Vila hodi mai fokit sai iha ai-ledik nee nunee hamoos/lere duut no ai-laran sira. Bainhira hamos hotu tiha, Dom Sebastiao fahe rai pedasuk-pedasuk baa nia povu sira tuir lisan nian hodi hela iha rai Vila. Maibe iha prosesu hamoos rai Vila nee, povu barak mak mate tanba rai nee lulik tebes. Loron baa loron ema barak mak mate, hakoi balu, balu mate daudauk, nunee hela deit too barak mak hakoi la biban sai dois deit. Haree ida nee Dom Sebastiao hanoin laa too, maka nia hamulak/husu baa rai lulik nee atu entrega nia an ba mate. Ho sakrifisiu neebe nia halo nee signifika katak nia fo an baa mate nunee bele salva nia povu sira atu la bele mate tan. Bainhira hamulak hotu, Dom Sebastiao mos is kotu, nia povu sira mos moris hakmatek ona. Bainhira hakoi tiha Dom nee, udan-anin boot durante semana ida nia laran hodi solur/halakon tia mate is sira iha Suco refere. Ikus mai povu sira foti fali Dom Sebastiao nia alin ho naran Keraen mak sai fali Liurai.

Bainhira rona dehan Dom Sebastiao mate, ema sira iha Suco Beloi hahu lori fali ai-ledik baa harii iha rai Vila. Haree ida nee, ema balu husi lisan Tulai, husi Suco Maquili nian ho direitamente baa fo hatene Dom Sebastiao nia alin liurai Keraen kona baa akontesementu nee, rona ida nee liurai Keraen konvida fali nia maluk sira iha uma lisan sanulu resin rua hodi baa fokit sai tiha ai-ledik nee hodi ba harii fali iha Idiknan Beloi, nunee sira husi Suco Beloi haree hetan sira duni Liurai Keraen no nia reinu sira, reinu barak mak mate tanba hetan tuda husi ema Beloi nian no balu mak halai lori ai-ledik nee too iha rai Kota Lalak. Too iha nee, sira harii ai-ledik nee iha rai refere, tanba iha nee mak baliza husi liurai Dom sebastiao nian, ho ida nee atu mate ka moris sira nafatin mantein sira nia pozisaun, situasaun aumenta ladiak tanba suco rua nee tuda malu no dudu malu tanba hadau baliza nee. Haree ida nee liurai Keran sae ninia kuda hodi mai lalais Suco Vila atu fo hatene baa malae mutin sira kona baa situasaun nee. Rona ida nee, liurai Keraen no malae mutin sira baa fila-fali kedas baa fatin akontesementu nee hodi baa hakalma tiha situasaun refere. Bainhira liurai no malae mutin sira too, tanba tauk ho malae mutin sira entaun situasaun hahu kalma, malae mutin sira mos la hatene koalia lian tetun entaun malae mutin sira koalia ho lian Portugues baa sira husi Suco Beloi katak “quer ou nao quer?”, tanba sira la komprende ho liafuan saida mak malae mutin sira hatoo maka sira hatan deit katak "quer”. Signifika husi pergunta nee katak malae mutin sira husu baa sira Beloi katak hakarak ka lakohi. Ho malae mutin sira nia intensaun nee katak husu baa sira husi Suco Beloi nee hakarak ai-ledik nee atu harii iha nee ka lakohi, maibe sira hatan katak Quer/hakarak, ho ida nee kedas maka problema mos hotu, too ohin loron baliza Suco Mau-meta Vila nian nee hahu husi rai kota lalak too mai iha rai neebe hodi hakoi Dom Sebastiao

Rate Dom Sebastiao nee lokaliza iha Suco Mau-metaVila, Aldea Eklae iha bairu Tolorika. Tuir Sr. Artur Saldanha hateten katak rai neebe hodi hakoi Dom Sebastiao nee lulik tebes no ema balu mak mate ona tanba hela besik iha Rate nee. Alende nee rate nee mos lia-nain sira sempre halo ritual tuir kultura Ataúro nian hodi halo dadolin ou hamulak baa rate nee atu husu udan been bainhira rai maran iha tempu kuda batar (Sr. Artur Saldanha, 2016).

5. Casa Do Mar

Casa do mar mak uma antiga neebe harii komesa iha tempu Portugues nian bainhira mai okupa rai Timor Leste. Uma antigu nee lokaliza iha aldea Ilimanu, suco Mau-meta Vila, besik iha tasi ibun. Iha tempu neeba uma nee hanaran Kantina. Uma nee nia nain mak senyor Mario Lopes. Sr. Mario ema Portugal, nia mos sai hanesan ema prisoner ida. Nia hanesan ema traidor ida iha Portugal tanba nee mak delega nia mai iha Timor-Leste hodi mai kastigu nia iha Ilha Ataúro. Senyor Mario lopes kaben ho ema Timor husi Municipiu Ermera, nia ferik oan naran Dona Aquelina da Silva Soares Lopes, sira iha oan nain rua, oan feto primeiru nee naran Maria do Ceo Lopes no oan Segundo mane naran Vasco Lopes.

Iha tempu kolonial portugues, ema neebe sai hanesan Governador iha Timor-Leste nian mak Senyor Lemos Pires husi Portugal. Senyor Lemos Pires konyese diak Senyor Mario lopes tanba sira eskola hamutuk tanba nee nia ajuda Sr. Mario Lopes ho orsamentu itouan hodi halo negosiu iha rai Ataúro. Senyor Mario mak ema ida neebe badinas tebes, iha tempu kastigu nia laran nia mos halo buat barak iha rai Ataúro hanesan ajuda komunidade sira nia moris. Orsamentu neebe nia hetan husi Senyor Lemos nee, nia uza hodi sosa sasan sira hanesan Foos, Batar, Mina, Masin, Sabaun, no sasan sira seluk neebe mak uza baa nesesidade loron-loron nian. Iha tempu neeba sei uza sistema barter ou sasan ida troka ho sasan seluk. ho ida nee mak komunidade sira iha Ataúro bainhira hakarak atu sosa fos ou sabaun ruma sira lori deit sira nia sasan nia animal hanesan manu, bibi, fahi, no seluk tan hodi baa troka ho sasan seluk neebe sira presija. Seluk husi negosiu, Sr. Mario mos sosa kafe musan hodi ba kuda iha foho Manukoko no too agora kafe sira nee sei moris hela, nunee nia servisu hamutuk mos ho komunidade sira hodi ajuda nia hodi produs sai baa mina nuu, produs tua agurdente, kuda ai-farina hodi produs baa trigu, tunu paun, nia haruka mos badaen sira halo roo hodi uza baa peska, bainhira hetan ikan sira lori ba sidade Dili hodi ba faan baa ema Xina sira. Maski Sr. Mario Lopes hanesan ema prisoner ida maibe nia mos ba halo buat diak neebe mak bele fo benefisiu baa ilha nee no mos baa komunidade sira iha Ilha Ataúro.

Bainhira nia fila fali baa nia rain, uma nee nia oan mane Sr. Vasco lopes mak hela too ohin loron, uma hirak nee abandona hela no sai at hotu ona. Iha tinan 2003, Padre nain rua husi Italianu neebe ho naran Pr. Francesco moser no Pr. Luis Fornasier mai halao sira nia poder nudar Amu lulik iha Ataúro. Bainhira halao sira nia poder iha rai nee, sira laos halao deit aktividade Igreja nian maibe sira mos halao kontribuisaun baa komunidade sira hanesan halo kantreru, fahe modo musan, no mos maerial sira hanesan manggera, regador, projeu harii sintina privadu iha Suco Maquili, loke resorante, akomodasaun, biblioteka, radio komunitario, jornal parede, wifi-internet, kursu komputador, Ingglesa, Portuguesa, loja souvenier shop hanesan Grupo Bonecas de Ataúro no Biojoias, harii eskola baa ema tilun diuk sira, programa noite kultura, anima labarik, kuda modo no ai horis sira, produs ai-moruk tradisional, Atauro no seluk-seluk tan. Alende nee sira mos servisu hamutuk fali ho Sr. Vasco hodi rehabilita uma antigu nee hodi hanaran uma nee ho naran “Casa do mar Mario Lopes In Memorial”. Objetivu rehabilita uma nee atu nunee komunidade sira bele lembra fila fali memoria neebe mak Sr. Mario Lopes halo iha tempu pasadu. (Agusto Barbosa, 2016).

4.2.2 Potensia Turismu Kultura

1. Seremonia Dada Roo

Seremonia dada roo nudar parte ida mos husi atraksaun turismu kultural nian. Iha seremonia ida nee komunidade sira halao bainhira atu hadia roo foun ida. Atu halo roo foun ida konserteja tenki tesi ai-hun neebe mak boot tanba roo nee sei uza hodi ba peska nunee halao mos viajem ba mai Atauro-Dili-Ataúro. Bainhira atu tesi ai-ida presija bolu lia nain sira hodi halo dadolen ou hamulak hodi hasae buat ruma baa rai nain sira hafoin tesi ai-hun. Tuir lia nain Sr. Simao hateten katak tuir kultura Ataúro nian, Prosesu husi seremonia tesi ai nee tenki lori manu aman ida ho fulun mean, ikan lalar, no mos tua mutin. Ai-han sira nee uza atu hodi hamulak baa beiala no rai-nain sira, ida nee hanesan dalan ida atu hodi husu lisensa baa rai-nain sira no fo han rai nain sira hafoin bele tesi ai neebe presija. Se karik ita tesi ai-ruma maibe la halo tuir maka ita sei hetan moras oi-oin no bele mate tanba nee tenki halo tuir kostumi neebe mak bai-bain sira halao.

Bainhira ai-hun nee tesi hotu ona lia-nain sira sei prepara fila fali ai-oan ida (ahi oan mutin) hodi kuda besik fali baa iha ai-hun neebe mak ita tesi tiha ona nunee fo han ou hasae fali ho naan no tua. Bainhira roo nee pronto ona, Sei bolu hamutuk fali familia sira liu-liu baa fetosan-Umane ho lia nain sira no mos komunidade sira atu hodi dada tun roo nee baa too tasi laran. iha prosesu dada roo nee sira sei kesi tali iha roo nia kidun no roo nia ulun nunee hodi bele dada roo nee ho diak. Iha seremonia dada roo nee sei akompanya ho kantiga no tebe-tebe tuir kultura sira nian rasik. Antes roo nee atu dada tun baa tasi laran, fetosan sira sei sae baa roo nia leten lori ho tais no sasik (besi metan) ida-ida. Simbolu husi Sasik nee hanesan roo nia rin no simbolu husi tais nee hanesan roo land.

Bainhira roo ulun too iha tasi ninin, sei bolu fila fali lia nain hodi hamulak dala ida tan no nia prosesu ritual nee mos hanesan mos ho primeiru katak presiza manu aman mean ida nunee lia nain sei hamulak hodi hasae ai-han no tua baa beiala sira. Bainhira hasae tiha aihan no tua baa rai nain no matebian sira maka kontinua dada tun roo nee baa tasi laran. Bainhira seremonia nee remata sira sei han-hemu hamutuk fali, nunee umane sei selu fali batar fukun rua nulu ho bua kesak sanulu baa fetosan sira tanba iha seremonia nee fetosan sira hatama sasan hanesan tais ho sasik baa umane sira. Ida nee mak tradisaun husi suco Maquili no Mau-meta Vila nian. Suco rua nee sira nia kultura hanesan deit tanba Suco rua nee mai husi uma ida deit (Sr. Simao Cabecas, 2016).

2. Dansa no Hananu Tradisional

Dansa no hananu tradisional mos sai hanesan atraksaun turismu kultura ida. Dansa tadisional sira neebe mak eziste iha ilha Ataúro nee mak hanesan Keklai. Dansa Keklai nee ho modelu halai akompanya ho kantiga, bai-bain dansa ida nee hatudu iha loron aniversariu ruma, ou simu bainaka. Dansa Rohtu-sepakak nudar dansa neebe ho modelu haksoit no akompanya mos ho kantiga. Iha modelu dansa ida nee uza hanesan mos ho dansa Keklai nian. Hananu tradisional fahe baa parte rua mak hanesan kontente no mos tristi. Iha kantiga kontenti nee bai-bain uza hodi halo seremonia sira hanesan lia moris nian, ezemplu seremonia adat hanesan dada roo, selebra loron aniversariu, ka simu bainaka ruma. Kantiga tristi nian (sesita) nee uza iha tempu ema ruma mate, loron matebian, no mos kore-metan. Hananu soe piadas no hase malu/fo hatene baa malu liu husi kantiga nee hanesan hananu neebe uza bainhira mane ida atu lori sai ona feto ida husi nia inan-aman, iha sorin seluk sira uza bainhira sira baa lia ruma ho liman mamuk ou la lori bote laran. Ropa tradisional neebe mak uza iha isin lolon hodi hananu no dansa baa mane sira mak hanesan hena neebe halo husi ai-hali nia abut. Hena tradisional baa feto nian mak uza rapin hirik. Kultura mos hanesan parte ida husi parte turismu nian. Tanba nee presija promove nafatin hodi haburas kultural no tradisaun sira iha ilha Ataúro nunee bele atrai turista estranjeiru sira hodi mai vizita nafatin Ilha Ataúro (Sr. Cipriano Manuel Cabecas, 2016).

3. Sasik (Besi Metan)

Diman ou Besi-metan neebe ema Atauro sira hanaran Sasik nee mak sai hanesan sasan tradisional ida neebe mak folin tebes baa komunidade sira iha Suco Maquili, no mos Suco Mau-meta Vila. Besi metan nee iha folin tebes baa komunidade sira iha Suco rua nee bainhira iha lia mate ou lia moris kona sira. Ezemplu iha lia ida kona baa barlekiadu nian, bainhira mane ida atu hola feto ida maka mane nee hoo nia familia sira tenki lori besi metan ou sasik nee ho lolon rua no mos ho sasan sira seluk hanesan tais (Tais nee atu too hira-hira depende husi feto nia familia sira mak husu), Osan ho montante $. 50.00 ou bele too $. 100.00 no mos naan. Bainhira sasan sira neebe mensiona iha leten nee prepara hotu ona mak hein familia rua nee tur hamutuk entrega sasan nee baa feto nia familia sira maka mane bele lori sai ona feto husi feto nia familia sira hodi baa halao sira nain rua nia moris nudar fen no laen. Alende nee Besi metan nee mos uza baa seremonia seluk hanesan iha lia mate ruma, ezemplu bainhira familia ruma mate no ida neebe mate nee nia sai hanesan umane ida maka matebian nee nia fetosan sira tenki lori Besi metan/Sasik nee lolon rua, tais, naan (Bibi ida), no mos fos karon ida sasan dapur nian.

Tuir Sr. Simao Cabecas hanesan lia-nain hateten katak komunidade sira iha suco Mau-meta Vila no Maquili, sira uza besi metan nee tanba tuir istoria neebe haktuir husi beiala sira katak iha tempu Ilha Ataúro seidauk luan, iha maun-alin nain tolu neebe ho naran mak hanesan maun primeiru mak Komateu, maun klaran mak Kutukia, no alin ikun mak Lekitoko. Sira nain tolu mak moris iha rai kiik nee. Iha kalan ida sira nain tolu toba iha lian ida husi mehi nia laran fo hatene baa sira nain tolu maun-alin katak haruka sira nain tolu maun alin atu tuku hadia rama isin hodi hana baa parte karuk, loos, no klaran. Bainhira rama isin neebe sira hana nee too iha neebe mak rai nee mos sei luan tuir rama isin nee. Bainhira loron matan sae sira nain tolu hader no husu malu kona baa mehi nee, nunee sira ida-idak haktuir sira nia mehi baa malu, rona baa mehi neebe sira nain tolu haktuir baa malu nee liafuan hanesan deit, entaun sira nain tolu konkorda no deside hodi halo tuir buat neebe mak sira mehi iha kalan nee.

Ho ida nee sira nain tolu hahuu prepara tali hodi kesi tutan halo naruk. Kesi hotu tiha tali nee sira hahu halo fali rama inan no rama oan. Bainhira rama isin nee halo hotu ona, sira nain tolu hamarik iha foho manu koko nia tutun hodi hana rama oan nee, sira nain tolu hana rama nee, iha maun alin nain tolu nee iha nain rua deit mak tali konsege remata, maibe ida alin ikun nee nia tali la remata tanba tali kotu tiha. Tali neebe kotu nee iha loos rai ida neebe ho naran Liangun iha parte Suco Mau-meta Vila nian besik ho rai-henek mutin Lampian (Rama isin nee too agora sei iha). Maske alin ikun nia tali nee kotu tiha iha klaran, maibe buat neebe mak sira mehi nee hatudu dunik realidade baa sira katak tasi neebe nakonu, ikus mai hakiduk tuir rama isin neebe sira hana baa, no ilha kiik nee mos sai maran no sai luan. Too ohin too loron ilha nee nakonu ho ai-horis, animal fuik sira, no mos ho gerasaun foun sira. Liu husi rama isin ida nee maka too ohin loron komunidade sira iha suco rua nee valoriza hanesan sasan neebe mak folin tebes baa sira nia moris (Sr. Simao Cabecas, 2016).

4.2.3 Potensia Turismu Natureza

1. Rai Henek Mutin Lempian

Rai henek mutin nudar parte ida mos husi atraksaun turismu natureza nian. husi rai henek mutin nia furak, bele dada/atrai ema hodi ba vizita iha fatin refere. haree baa realidade, ema barak mak gosta no prefere liu atu ba paseiu no mos ba hariis tasi iha rai henek mutin hahu husi turista domestika, no mos turista estranjeiru sira. Tasi ibun Lampian lokaliza iha entre suco Mau-meta Vila no Maquili nia klaran, maibe Lampian nee partensia husi Suco Mau-meta Vila nian iha aldeia Eklae. Rai lampian nudar rai ida neebe mak iha potensialidade no bele dezemvolve sai nudar atraksaun turismu natureza ida tanba unikamente, lampian besik ho tasi ibun nunee mos iha rai henek mutin neebe furak, tasi moos neebe nakonu espesies oi-oin hanesan ikan, xipu, ahu-ruin, no fatin nee mos hakmatek tebes tanba dook husi komunidade sira nia hela fatin. Alende nee besik ho rai lolon no foho neebe sei eksotis no forma hanesan kastelu. Rai henek mutin lampian iha espasu neebe luan nunee ema bele halo atividade ruma hanesan desportu (sposrt), nani (swim), luku (dive), hakail ikan (fishing), no atividade seluk tan. Rai henek mutin Lampian nee la iha ema ida mak hela iha neeba maibe fatin nee komunidade balu mak uza fatin nee halo toos hodi kuda ai-han sira hanesan batar fore, ai-farina, no seluk-seluk tan. Tuir hakerek nain nia observasaun baa tasi ibun refere, fatin nee iha estratejia furak hodi konstrui ekologia no mos restorante tanba laiha barulyu maibe hakmatek tebes. Iha sorin seluk turista sira mos bele desfruta tasi no rai henek mutin nia furak.

2. Usu-Laran

Usu laran nudar fatin neebe mak nakonu ho ai-horis tasi neebe hanesan ai-mangrove sira. Usu laran lokaliza iha aldea Ilitei-quaraquia, iha Suco Mau-meta Vila. Usu laran sai hanesan mos parte ida husi atraksaun turismu natureza no bele dezemvolve sai nudar eko turismu. Eko turismu nudar viajem neebe halao baa fatin sira neebe mak sei orijin no relativu, no la iha inkomodasaun husi buat estrundu. Objetivu husi viajem nee atu hodi desfruta panorama, flora no fauna nunee mos kultura sira. Usu laran nia furak ita bele haree liu husi ai-mangrove neebe moris forma iha tasi laran too tasi ninin, tasi neebe nakonu ho espesies oi-oin hanesan ikan, ahu-ruin, xipu, lenuk, no mos manu tasi sira. Iha area nee mos iha bee lihun neebe moris iha tasi ninin. Bee nee komunidade sira sempre konsumu hanesan hodi hariis bainhira hariis hotu tasi. Ita bele haree bee lihun bainhira iha tempu tasi maran. Aliende nee iha area nee mos sai nudar fatin ida hodi halo tuir ema neebe mak hetan moras husi Lenuk. Ema neebe hetan moras husi Lenuk, kauza nee tanba sira nia jerasaun nee mai husi lenuk, tanba nee sira la bele han lenuk, sekarik sira han maka sira sei hetan moras too bele mate. Oinsa ita bele hatene katak ema nee moras Lenuk? Ita bele haree liu husi ema nee nia jeito hanesan tebe liman, tebe ain, kakorok kleuk baa mai, no matan loke taka modelu hanesan Lenuk. Atu kasu sai tia moras ida nee mak tenki bolu lia nain sira no ida moras Lenuk nee hodi baa iha usu laran nee hodi halo tuir fali ho ritual hanesan oho manu ida ho fulun mean no mos tua mutin atu hodi hasae baa sira nia avo ou jerasaun neebe mak mai husi lenuk. Iha ritual nee lia nain sira sei hamulak hodi halo juramentu baa tasi no lenuk sira katak sira sei la halo tan ona signifika katak sira sei la han tan ona Lenuk. Bainhira halo remata ritual nee maka ema ida moras nee mos sei sai diak fali. Sekarik sira han lenuk nunee sira hetan moras ho modelu hanesan nee maibe sira la halo tuir fali maka sira sei moras nunee deit too mate. Moras ida nee, bainhira aman ou inan mak kuandu han dalaruma moras nee kona direitamente baa sira ou dalaruma la kona sira ida han lenuk nee maibe moras nee kona fali baa sira nia oan (Sr. Simao Cabecas, 2016).

3. Tasi Ibun Tua-koin

Tasi ibun nudar fatin ida neebe mak furak no atrativu tebes baa ema hotu-hotu atu ba halao atividade hanesan paseiu, halimar, halo ezersisiu, luku, no mos nani. Tasi ibun neebe moos, nakonu ho rai henek neebe ho espasu luan maka sai hanesan potensia ida hodi dezemvolve sai nudar atraksaun turismu ida, tanba dala barak ema estranjeiru sira mak gosta paseiu no gosta mos hariis ou luku iha tasi laran. Tua-koin nudar fatin neebe mak atrativu tebes tanba besik iha tasi ibun neebe furak liu husi rai henek neebe ho espasu luan, tasi neebe moos, nunee mos nakonu ho ai-parapa (mangrove). Tua-koin lokaliza iha aldeia Ileti-quaraquia, suco Mau-meta Vila. Fatin nee estratejia tebes tanba besik iha Estrada ibun nunee fasil baa turista sira bele mai vizita. Alende nee iha neeba mos iha fatin deskansa (Accommodation) no mos restorante (Restaurant) hodi fasilita vizitantes ou turista sira neebe mak hakarak ba pasa ferias iha ilha Ataúro.

4.2.4. Loja Souvenir

1. Grupu Bonecas de Ataúro

Grupu Bonecas de Ataúro harii iha tinan 2006 neebe organiza husi senyora ida ho naran Pierra Mozer neebe mai husi Italianu. Grupu nee lokaliza iha aldeia Ilimanu, suco Mau-meta Vila. Grupu Bonecas de Atauro sai hanesan kompania ida neebe mak servisu kona baa kria ou produs sasan brinkedus/halimar baa labarik sira ho modelu oi-oin hanesan boneka oan,ikan tubraun, alende nee sira mos suku hena meja, hena hodi tau lapijeira, kartera, pasta kiik oan no produtu seluk tan. Fofoun loke grupu nee sira uza fatin hodi servisu iha misaun, ho total trabalhador hamutuk nain haat neen no sira simu salariu baa ema ida hetan dolares 20.00 kada semana. Nunee tinan baa tinan produtu nee folin tebes tanba ema estranjeiru sira sosa bebeik, maka grupu nee hetan rendimentu boot, no ikus mai sira aluga salaun Ospedaria sai nudar ofisiu hodi halao sira nia servisu too agora, nunee aumenta tan trabalhador ho total agora hamutuk lima nulu resin neen (56), salariu neebe sira hetan baa ema ida dolares 15.00 kada semana. Produtu Boneca nee folin tebes tanba loron-loron turista estranjeiru sira sempre baa sosa. Produtu sira laos faan deit iha sira nia ofisiu, maibe faan mos iha loja no Otel sira iha Dili laran, no faan mos too rai liur. Bainhira iha ekhibisaun ruma loke iha Dili, grupu Bonecas mos sempre hetan konvite hodi baa faan sira nia produtu sira nee no dalaruma sira mos hetan konvite husi nasaun seluk hanesan Indonesia, Singapura, Macau, Espanyola, Brazil no mos nasaun sira seluk.

2. Loja Biojoias

Loja Biojoias nudar loja neebe mak faan espesifiku liu sasan ou produtu lokal sira. Loja Biojoias nee harii husi Padre ida ho naran Pr. Chico Moizer iha tinan 2006. Loja nee lokaliza iha aldeia Ilimanu, suco Mau-meta Vila, posto administrativo Ataúro. Fatin nee estratejia tebes tanba loja nee besik iha Estrada ninin nunee fasil baa ema atu haree liu-liu baa vizitantes ou turista sira. Trabalhador sira neebe servisu iha loja nee mesak ema tilun diuk sira.

Tuir Sra. Teresinha da Costa Soares nudar diretora baa grupo nee haktuir katak antes atu hahu servisu nee primeiru nia (Sra. Teresinha) sei fo hanorin uluk alfabeitu no hanorin jestu baa sira tilun diuk sira, no iha ikus mai sira konsege hakerek no lee hatene dunik maske sira la iha kapasidade atu koalia. Bainhira sira remata kursu nee, sira hahu tuir fali treinamentu kona baa produs ai-musan sira hanesan sasan infeita isin lolon nian hanesan kelu, hahenuk, bringkus, kadeli, no seluk-seluktan. Alende nee komunidade sira seluk neebe mak iha kreatividade mos halo koperativa ho grupu Biojoias hodi lori sira nia produtu seluk hanesan koa estatua ho modelu oi-oin, halo Ro oan, uma oan, ai-mangrove neebe tau kores oi-oin, pintura sira hodi tau hamutuk iha loja refere, bainhira ema sosa sira nia produtu maka grupu biojoias mos hetan pursentu uitoan husi produtu sira neebe komunidade sira nee.

Total trabalador neebe mak servisu iha loja nee hamutuk ema nain sanulu. Loja nee loke iha loron segunda too loron sexta, oras servisu hahu iha tuku 08:30 dader too tuku 12:00 ba han meiudia no tuku 14:00 hahu tama fali servisu too tuku 17:00 lorokraik. Tuir Sra. Teresinha hateten katak salariu nee depende baa ema ou turista sira sosa, sekarik ema sosa barak maka dalaruma iha kada fulan ema ida hetan $. 50.00 ou liu no dalaruma mos menus liu. Bainhira kuandu iha ekshibisaun ruma hanesan iha Dili sira nia grupu nee mos sempre hetan konvite hodi lori baa hatudu iha programa refere. Senyora nee hatutan tan katak maske ho salariu minimum maibe sira pasensia no iha nafatin vontade atu halao sira nia servisu. (Sra. Teresinha da Costa Soares, 2016)

4.2. Prosesu Kria Pakote Viajem

4.2.1. Identifika Potensia Turismu

Bazeia baa rejultadu peskija nee hakerek nain identifika ona potensia turismu istoriku neebe mak atu inklui iha programa pakote viajem nee mak hanesan monumentu ikan no paun (monumentu reliziojus), Siminteriu Santa Krus, Casa do mar, rate Dom Sebastiao, Cadeia antigu, Gruta Roman Luan, alende potensia turismu istoriku, iha mos potensia turismu natureza no kultura. Potensia turismu natureza neebe inklui iha pakote viajem nee mak hanesan tasi-ibun no rai-henek mutin lampian, tasi-ibun Tua-Koin, no mos Usu-laran, Potensia turismu kultura mak hanesan dansa no hananu tradisional, no mos seremonia ritual dada roo.

4.2.2. Identifika Fasilidade Turismu

Fasilidade kona baa turismu nudar parte primeira ida neebe mak importante tebes baa ema vizitantes/turista sira bainhira sira too iha fatin ou destinu turistiku ruma. Turista sira too mai iha fatin neebe sira vizita mak sira presija atendementu diak husi matadalan (tour guide service) hodi simu hasoru sira, nunee sira mos presija hela fatin (accommodation) nunee sira bele deskansa, no sira mos presija fasilidade transporte (transportation) atu tula ou lori sira baa vizita fatin ou atraksaun turismu (tourist attraction) ruma neebe mak uniku, han-hemu (meals) no mos fasilidade seluktan tuir sira nia hakarak no presija atu nunee sira mos bele senti kontenti no satisfas iha durante viajem nia laran.

Fasilidade turismu kompostu husi transportasaun, akomodasaun, restorante, alojamentu, no mos atendemetu seluk-seluk tan. Bazeia baa rejultadu peskija nee hatudu katak fasilidade transporte iha Suco Mau-meta Vila fahe baa parte rua hanesan transporte rai-maran/terestre no mos tasi laran/marina, no tipu akomodasaun neebe mak eziste iha Posto Administrative Ataúro mak hanesan, Guest House, Home Stay, Hotel, no mos Ekolojia.

Fasilidade Turismu Iha Posto Administrativo Ataúro:

TRANSPORTE TERESTRE
No.	Tipu Transporte	Total		Kostu Viajem/Turista
1.	Roda tolu/ojek	38		$.2.00
2.	Angguna	2		$.2.00
3.	Mini-Bus	1		$.5.00
TRANSPORTE MARINA
No.	Tipu Transporte	Total		Kostu Viajem
1.	Tuk-Tuk	5		$. 10.00
2.	Kor-kora	3		$. 10.00
3.	Espead Boad	1		$. 20.00
AKOMODASAUN
No.	Tipu No Naran Akomodasaun		Presu Kuartu/Kalan ida
1.	Barry’s Ecolodge		$. 45.00
2.	Ecolodge Estelaria		$. 40.00
3.	Beloi Beach Hotel		$. 80.00
4.	Ecolodge Tua-Koin		$. 50.00
5.	Guest House Mutiara		$. 40.00
6.	Ilimanu Home Stay		$. 10.00
7.	Manucocorec Ecolodge		$. 30.00
RESTORANTE
No.	Naran Restorante		Presu Han-Hemu/Turista
1.	Manucocorec		$. 5.00
SOUVENIER SHOP
No.	Naran Alojamentu		Tipu Produtu
1.	Boneca’s de Ataúro		Produtu Lokal
2.	Biojoias		Produtu Lokal

Tabela 4. Fasilidade Turismu

4.2.3. D.O.T (Distribution Of Time)

Packages Tour Ataúro Mau-Meta Historical Tours:

NO.	ITINERARY	ON BOARD	TOURS	REST	REMARK
1.	Barry’s House-Monument of Religious	16	-	-	08:00-08:16
2.
2.	Monument Religious-St.Krus	-	20	5	08:16-08:41
3.	St.Krus-Gruta Roman-Luan	6	-	-	08:41-08:47
4.	Gruta Roman Luan	-	18	30	09:47-10:35
5.	Gruta Roman-Luan-Cadea Antigo	6	-	-	10:35-10:40
6.	Cadea Antigo	-	20	5	10:40-11:05
7.	The Old Prison-Cemmeterry of Dom Sebastiao Saldanha	3	-	-	11:05-11:03
8.	The Cemmeterry of Dom Sebastiao	20	-	-	11:-0311:23
9.	Dom Sebastiao-Casa do mar	2	-	-	11:23-11:25
10.	Casa do mar	-	25	-	11:25-11:50
11.	Casa do mar –Restourant	10	-	-	11:50-12:00
12.	Manukokorek Restourant	-	15	2	12:00-12:17
13.	Restorant Restourant-Biojoias	1	-	-	12:17-12:18
14.	Biojoias	-	30	5	12:18-12:53
15.	Biojoias-Bonecas de Atauro	2	-	-	12:53-12:55
16.	Bonecas de Atauro	-	35	10	12:55-13:40
17.	Bonecas de Atauro-Seremonia dada roo	26	-	-	13:40-14:06
18.	Seremonia dada roo	-	60	10	14:06-15:16
19.	Seremonia dada roo-Lampian Beach	9	-	-	15:16-15:25
20.	Lampian Beach	-	10	5	15:25-15:40
21	Lampian Beach-Usu-larran	7	-	-	15:16-15:25
22.	Usu-laran	-	10	5	15:47-16:02
23.	Usu-laran-Traditioanal songs	2	-	-	16:02-16:04
24.	Assist traditional song	-	40	-	14:04-16:44
25.	Traditional songs-Barry’s house	16	-	-	16:44-17:00
Prepared By Baptista do Carmo

Tabela 5. Distribution of Time

4.2.4 ITINERARY

Full Day tours: Meeting service at Barry’s House, then your Guide will pick you up to visit Monument of religious, Mau-meta Vila Cemmeterry, Gruta roman-luan, the old prison, cemetery of Sebastiao Saldanha, and Casa do mar. After that your Guide will take you to get lunch at Monukokorek Restaurant. After lunch, you will visit hand made by womens at souvenir shop Biojoias and Bonecas de Atauro. After that your Guide will pick you up to visit ceremony of dada roo, Lampian beach and white sand, Usu-laran, tua-koin beach, and then your tour will finish at Tua-koin to assist the traditional songs and teatre, then Guide will take you back you to Barry’s house.

No.	Time	Place	Remark
1.	08:00-08:16	Barry’s House	Monument of Religious
2.	08:16-08:41	Monument of Religious	Santa Krus
3.	08:41-08:47	Santa Krus	Gruta Roman Luan
4.	10:35-10:40	Gruta Roman Luan	The old prison
5.	11:05-11:03	The old prison	Cemetery of Dom Sebastiao
6.	11:23-11:25	Cemmeterry of Dom Sebastiao	Casa do Mar
7.	11:50-12:00	Casa do mar	Restourant
8.	12:17-12:18	Restourant	Biojoia
9.	12:53-12:55	Biojoia	Bonecas de Ataúro
10.	13:40-14:06	Bonecas de Atauro	Cerremony of dada Roo
11.	15:16-15:25	Cerermony of dada roo	Lampian Beach
12.	15:16-15:25	Lampian Beach	Usu-laran
13.	16:02-16:04	Usu-laran	Cultural songs at Tua-Koin
14.	16:44-17:00	Cultural songs at Tua-Koin	Back to Barry’s House

Tabela 6. Itineray

4.3.5. Kostu Viajem

Name of Tour : Ataúro Mau-Meta Historical Tours

Participante : 6 Person

Sc : 10%

Duration : Full Day Tours

RECAPITULATION :

No	Deskription	TFC	TVC
1.	Accomodation TWN = $.45.00 2 2	-	$. 22.50
2.	Transport	$ 120.00	-
3	Tour Guide	$ 10.00	-
4	Meals	-	$ 5.00
5	Tips driver	$ 5.00	-
6	Administration	$ 5.00	-
7	Promotion	$ 5.00	-
Total		$ 145.00	$. 27.50

Tabela 7. Rekapitulasaun Kostu Viajem

FORMULA :

1) TCP =

3). NP = TC + SC

70.125

= 16.1 + 27.5

= 47.96

Price Per Person:

No.	Tour Program Name	1-3	4-6	7-9
1.	ATAURO HISTORICAL TOURS	$. 189.75	$. 70.125	$. 47.96

(Tabela 8. Presu Pesoal)

Term and Condition:

a) The itinerary valid for mass tourism.

b) The itinerary can be changes without or prior notice.

c) The itinerary will end of 29/11/2016.

d) For further information, please don’t hesitate to contact us.

e) Contact number: (+670) 78290605 or (+670) 7775 6488

f) Email: tistacarmo@gmail.com

g) Guest Comment.

_____________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________

KAPITULU V

KONKLUZAUN NO REKOMENDASAUN

5.1. Konkluzaun

Bazeia baa rezultadu iha peskija no esplikasaun nee, hatudu katak potensia turismu neebe eziste iha Suco Mau-meta Vila, Posto Administrativo Ataúro maka hanesan tuir mai nee:

a. Potensia turismu istoriku, mak hanesan Monumentu ikan no paun, Simiteriu St. krus Boot, Gruta Roman-Luan, Cadeia antigu, rate Dom Sebastiao, no mos Casa do mar.

b. Potensia turismu kultura, mak hanesan seremonia dada roo, dansa kultura, hananu tradisional sira hanesan rekngota, sita no keklai, Dima (sasik), no mos ropa tradisional sira hanesan rapin hirik.

c. Potensia turismu natureza, mak hanesan tasi no rai-henek mutin lampian, tasi ibun Tua-koin, Usu-laran, no mos ai-horis sira iha tasi laran.

d. Bazeia baa potensia turismu neebe mensiona iha leten nee maka bele kria pakote viajem ho naran programa viajem Ataúro Mau-meta Historical Tours. Husi rejultadu kria pakote viajem nee hatudu katak presu pakote baa kliente/turista sira hahu husi 1-3 ho nia total kostu viajem nee hamutuk $.189.75 cent. Hahu husi 4-6 ho nia total kostu viajem nee hamutuk $. 70.125 cent. Hahu husi 7-9 ho nia total kostu viajem nee hamutuk $. 47.96 cent. Programa viajem Ataúro Mau-meta Historical Tours nee ho nia total partisipante/turista hamutuk ema nain neen (6) ho presu kostu viajem nee total hamutuk $. 70.125, no iha programa viajem nee halao durante loron tomak iha oras ualu (8) nia laran (full day tours), neebe hahu husi tuku 08:00 dader too tuku 16:00 lorokraik oras Timor-Leste.

5.2 Sujestaun

Bazeia baa rezultadu peskija neebe hakerek iha leten nee maka peskijador hakarak fo deit sujestaun baa iha:

a. Baa Governu Timor-Leste presiza dezemvolve liu iha area infrstrutura neebe diresaun ligadu ho area turismu nian iha Posto Administrativo Ataúro atu nunee la bele prejudika potensia turismu no fo impaktu baa turista sira neebe mak hakarak ba vizita fatin refere.

b. Baa ministeriu neebe relevante hanesan Ministeriu Turismu arte no kultura presiza halo kapasitasaun baa espalha imformasaun baa komunidade sira neebe mak hela besik iha area turismu refere hodi bele sai responsabilidade no proteje nafatin ou objetu turismu neebe lokaliza iha sira nia hela fatin.

c. Baa autoridade lokal sira iha Posto Administrativo Ataúro presija servisu hamutuk ho governo no mos seitor privadu atu nunee bele dezemvolve potensia turismu iha Posto Administrativo Ataúro sai hanesan destinasaun turistiku ida neebe konservadu iha Posto Administrativo refere.

d. Baa komunidade lokal sira, presija halo kontribuisaun atu la bele estraga ambiente hanesan sunu rai, tesi ai, rikeza tasi laran, no la bele halo lixu arbiru iha fatin-fatin.

5.3 Rekomendasaun

Iha pazina ikus liu peskizador hakarak rekomenda deit baa governu Timor-Leste liu-liu baa Ministeriu Turismu katak atu nasaun Timor-Leste sai nudar fatin ou destinu turistiku furak ida, maka presija hadia parte hirak hanesan tuir mai nee:

a. Governo Timor Leste la bele tau importansia deit baa mina rai no gas maibe presija tau importansia mos area sira seluk, inklui mos baa iha seitor turismu.

b. Ministeriu Turismu presija tau lei ida no harii mos asosiasaun kona baa mata-dalan baa turista (Biro Perjalanan Wisata) iha Timor-Leste neebe mak organizadu hanesan iha nasaun sira seluk.

c. Hadia ou dezemvolve infrastrutura no fasilidade turismu.

d. Objetu ou atraksaun turismu hotu-hotu tenki iha entrance fee baa turista lokal no mos turista estranjeiru sira.

BIBLIOGRAFIA

Artur Saldanha (2016). “Istoria kona baa Rate Dom Sebastiao Saldanha”. Ataúro, Mau-meta Vila.

Augusto Barbosa (2016). “Istoria kona baa Cadea Antigo, Monumentu Ikan-Paun, no mos Casa do mar”. Ataúro, Mau-meta Vila.

Barry (2016). “Totalidade Vizitantes Turistas Domestika No Turista Internasional” Ataúro, Beloi.

Cipriano Manuel Cabecas (2016). “Dansa no Hananu Tradisional Husi Ilha Ataúro”. Ataúro, Mau-meta Vila.

Department Pendidikan Nasional (2008). Kamus Besar Bahasa Indonesia. Jakarta, PT. Pustaka utama.

Fandeli Chafid Ir. (2005). Dasar-Dasar Manajemen Kepariwisataan Alam. Liberty, Yogyakarta.

Ismayanti (2010). Pengantar Pariwisata. Jakarta, PT. GramediaWidiasarana Indonesia.

Kodhyat, Ramaini (1992). Kamus Pariwisata Dan Perhotelan.Jakarta, PT. Gramedia Widiasarana Indonesia.

Moniaga Erinda Putri (2015). “JUMPA, Jurnal Master Pariwisata”. Indonesia, Pascasarjana Universitas Udayana.

MacIntosh, Yoeti (1996). Pengantar Ilmu Pariwisata. Bandung, Angkasa.

Manecas da Conceicao Soares (2016). “Deskripsaun Jeral Kona Baa Ilha Ataúro”. Ataúro, Mau-meta Vila.

Nuriata (2014). Penyusunan Produk Paket Wisata. Bandung, Alfabeta.

Sensus (2010). “Sensus Populasaun No Uma-Kain TLS”. Dili, DNE no UNFPA.

Simao Cabecas (2016). “Istoria kona baa kultura/lalaok seremonia dada roo”. Ataúro, Mau-meta Vila.

Sunaryo Dsr. (2013). Kebijakan Pembangunan Destinasi Pariwisata. Yogyakarta, Gava Media.

Sugiyono (2011). Metode Penelitian Kuantitatif, Kualitatif Dan R&D. Bandung, Alfabeta.

Suryadana Liga, Octavia (2015). Pengantar Pemasaran Pariwisata. Bandung, Alfabeta.

Suyitno (1999). Perencanaan Pariwisata. Yogyakarta, PT. Kanisius.

Teresinha da Costa Soares (2016). “Produtu Lokal Iha Souvenir Biojoias”. Ataúro, Mau-meta Vila.

Wardiyanta Drs. (2010). Metode Penelitian Pariwisata. Yogyakarta, Andi.

www.googletl.com. “Imajem kultura dada roo”. (Download husi Internet iha loron Quinta feira 10.22.2016.11:22 OTL).

www.googletl.com. “Imajem Mapa Ilha Ataúro”. (Download husi google earth iha loron Quinta feira 10.22.2016.11:25 OTL).

Yoeti (1996). “Pengantar Ilmu Pariwisata”. Bandung, Angkasa.

Yoeti (2006). Tour And Travel Marketing. Jakarta, PT. Pradnya Paramita.

ANEXU

Imagem 01.

Iha figura ida nee Autor halo hela intervista ho Inspektor Edukasaun Ataúro nian, kona baa hatais, dansa no hananu tradisional (Doc:Yolanda;2016).

Imagem 02

Iha figura ida nee Autor halo hela intervista ho Lia nain kona baa lalaok kultura no tradisaun nian (Doc:Geraldo;2016)

Imagem 03

Iha figura ida nee Autor halo hela intervista ho Xefe Suco Vila Mau-meta, kona baa sitiu-sitiu istoria sira iha suco Vila Mau-meta (Doc: Geraldo;2016).

Imagem 04.

Iha figura ida nee Autor halo hela intervista ho Komunidade bai-bain, kona baa sitiu-sitiu istoria sira iha suco Vila Mau-meta (Doc: Geraldo;2016).

Imagem 04.

Iha figura ida nee Autor halo hela intervista ho Diretora Grupo Biojoias, kona baa Produtu Lokal sira iha suco Vila Mau-meta (Doc: Geraldo;2016).

Turismo Atauro

Sunday, October 7, 2018

Monday, January 22, 2018

Report Abuse